පළමු පෙළ ක්‍රිකට් තරගාවලිය යටතේ බදුරලිය සහ එස්එස්සී ක්‍රීඩා සමාජ අතර එස්එස්සී සමාජ ක්‍රීඩා පිටියේ ඇරඹි තෙදින තරගයේ පළමු දිනය නිමා වන විට බදුරලිය ක්‍රීඩා සමාජ කණ්ඩායමේ,සාලිය සමන් කඩුලු ත්‍රත්වයක් දවා ගනිමින් කරන ලද විශිෂ්ඨ පන්දු යැවීම ඉදිරියේ එස්එස්සී කණ්ඩායම දැඩි අසරණ තත්ත්වයකට පත් වී සිටියි.වර්ථමාන ජාතික කණ්ඩායමේ සහ ජාතික කණ්ඩායම නියෝජනය කළ ක්‍රීඩකයන්ගෙන් සපිරි එස්එස්සී කණ්ඩායමේ කඩුලු ත්‍රිත්වය ලෙස ශ්‍රී ලංකා ක්‍රීඩකයන් වන දිමුත් කරුණාරත්න,කෞෂාල් සිල්වා සහ තිළිණ කණ්ඩම්බි ගොදුරු වූ අතර එම කඩුලු ත්‍රිත්වය එස්එස්සී කණ්ඩායමේ මුල් කඩුලු තුන ලෙස දැවී යාමද විශේෂත්වයකි.බදුරලිය ක්‍රීඩා සමාජය පළමු ඉණිමට ලකුණු 227 ක් රැස් කළ අතර ඊට පිළිතුරු ඉණිම ක්‍රීඩා කරන එස්එස්සී ක්‍රීඩා පිටිය සිය ක්‍රීඩා පිටියේදීම අසරණ කළ සාලිය සමන් දිනය නිමා වන විට ලකුණු ඔවුන්ගේ ලකුණු පූවරුව කඩුලු 6 ට ලකුණු 45 ක් බවට පත් කර තිබිණ.දැවී ගිය එම කඩුලු හයම ලකුණු 21 ක් ලබා දෙමින් ජයගත් සාලිය සමන් ගාල්ල ක්‍රීඩා සමාජය ඉකුත් සතියේ ඉණිමකින් පරාජය කරද්දී ද,මුළු තරගයේදී ලකුණු 36 ට කඩුලු 7 ක් දවා ගත්තේය.( 23 /2 සහ 13 / 5) ඒ අනුව මේ වන විට බදුරලිය ක්‍රීඩා සමාජය මෙම තරගවාරයේ මුහුණ දෙන දෙවන තරගයේ පලමු ඉණිමේ අඩක් නිම වන විටත් සමස්ත තරගයේ ලකුණු 57 ට කඩුලු 13 ක් ලබා ස්ථාවර මට්ටමක රැදී සිටියි.
වේග පන්දු යවන්නෙකුට සරිලන උසක් ඇති අඩි 6 අගල් දෙකක උසකින් යුත් සාලිය, බලපිටිය රේවත විද්‍යලයෙන් ක්‍රිකට් පිටියට දායාද කළ 27 හැවිරිදි වියේ පසු වන්නේය.
www.supirikrida.com
No comments:
Post a Comment