ශ්‍රී ලංකා ක්‍රිකට් ආයතනය ජාතික කණ්ඩායමේ නිත්‍ය සාමාජිකයන් නොවන ක්‍රීඩකයන් සමගද ගෙවීම් සම්බන්ධ යම් යම් එකගතා ගිවිසුම් පවත්වා ගෙන යන බව ද,එවැනි තැන් වලදී ක්‍රීඩකයන් තේරීම ආදියේදී සිදුවන අක්‍රමිකත ගැනද කොතෙකුත් වාර්තා වන නමුත් මෙවර ලෝක කුසලාන තරගාවලියේදී ලෝකයට අභියෝගයක් වෙමින් සිටින ශ්‍රී ලංකා කාන්තා ක්‍රිකට් කණ්ඩායමේ ක්‍රීඩිකාවන්ට එවැනි නිශ්චිත වූ ගෙවීම් සම්බන්ධ කොන්ත්‍රාත් පදනමක් මේ දක්වා ක්‍රියාත්මක නොවන බව ක්‍රිකට් ආයතන ආරංචි මාර්ග ඔස්සේ වාර්තා වෙයි.රැකියාලාභීන්ට විශාල වශයෙන් පඩි ගෙවන සහ සුඛෝපභෝගී පහසුකම් ලබා දෙන ආයතනයක් වන ක්‍රිකට් ආයතනය රට නියෝජනය කරන ක්‍රීඩිකාවන් සම්බන්ධයෙන් වගකිව යුතු ලෙස කටයුතු නොකිරීම ගැටළුකාරී තත්ත්වයක් ඇති කරන අතර ජාතික කණ්ඩායමේ ක්‍රීඩිකාවක්,ජාතික සංචිතයේ ක්‍රීඩිකාවක් මෙන්ම වරින්වර මෙම අවස්ථා සදහා ගැලපෙන කැදවීමට හැකි පිරිස් ද වන අතර ජාතික මට්ටමේ සිටින ඔවුන්ව ද යම් අනුග්‍රාහක පදනමකින් සුරැකිව තබා ගැනීම කළ යුතු බව ක්‍රිකට් ආයතනය තේරුම් ගැනීම වටින්නේය.ඒ නිසා ඉහළ තනතුරු දරන නිලධාරීන් සිය අවශ්‍යයතාවය පදනම් කරගෙන ඔවුන්ගේ කාර්ය මණ්ඩලවල ඉහළ තනතුරු සදහා බදවා ගන්නා අයට තරම්වත් නොලැබෙන, තරග වැටුපකට සීමා වී තිබෙන ශ්‍රී ලංකා කාන්තා ක්‍රිකට් ක්‍රීඩාවේ දක්ෂයන්ගේ අනාගතය වෙනුවෙන් ශ්‍රී ලංකා ක්‍රිකට් මීට වඩා පලදායී මැදිහත්වීමක් කළ යුතුය.
එසේම ජාතික තලයට ගමේ ක්‍රීඩකයන් කැදවා ගෙන ඒම සදහා මේ වන විට විශාල වශයෙන් මුදල් යොදා කරන ව්‍යාපෘති දියත් කරමින් සිටින අතර නමුත් තවමත් රටේ පළාත් හතරක පාසල් කිහිපයකින් හැරෙන්නට වෙනත් ආකාරයකින් කණ්ඩායමට ආ පිරිස සීමිතය.ජාතික කණ්ඩායම පැමිණි එම පාසල් අයත් නොවන පළාතක එකම ක්‍රීඩකයා කෑගල්ල ශාන්ත මේරී විද්‍යලයෙන් පැමිණි තරංග පරණවිතාන පමණක් වන අතර,ඔහු ද කොළඹ එස්එස්සි ක්‍රීඩා සමාජයෙන් තරග බිමට පිවිසි අයෙකි.සෙසු සියල්ලෝ බස්නාහිර,දකුණ වයඔ සහ මධ්‍යම පළාත් වල ක්‍රීඩකයෝ ය.
නමුත් කාන්තා ක්‍රිකට් මේ වන විටත් ගමෙන් පිටතට ගොස් තිබෙන අතර ජාතික කණ්ඩායමේ අනුරාධපුර වැනි දුෂ්කර පළාත් නියෝජනය කරන ක්‍රීඩිකාවන් ද සිටිනු පෙනේ.එසේම ජනප්‍රිය පාසල් සංස්කෘතිය තුළ නොකියවෙන පාසල් පද්ධතියක් හරහා මෙම ක්‍රීඩිකාවන් වැඩි දෙනෙකුගේ ජාතික කණ්ඩායම් සම්ප්‍රාප්තිය සිදු වී ඇති අතර,පාස් ගත්තද රත්නපුර සුමනා බාලිකා වැනි දුර බැහැර පාසල් කාන්තා පාසල් ක්‍රිකට් කේෂ්ත්‍රය ආක්‍රමණය කරමින් සිටිනු බවක් පෙනෙයි.ඒ නිසා ක්‍රිකට් ආයතනයේ කාන්තා ක්‍රිකට් පිළිබද අඩු මට්ටමේ සැළකිල්ල කාන්තාවන්ට දක්වන අඩු සැළකිල්ල නිසා මෙන්ම ගමට දක්වන කැකිරි සැළකිල්ල නිසා ද සිදු වූවක් විය හැකිය.
www.supirikrida.com
No comments:
Post a Comment