දැයට කිරුළ පාපැදි සූරතාවයේ සමස්ත සූරතාවය දිනා ගැනීමට ශ්‍රී යුධ හමුදා
පාපැදි කණ්ඩායම නියෝජනය කළ ගයාන් කුමාර සමත් විය.පැය 10:03:07 ක කාලයක් ගත කළ
ගයාන්ට වඩා තත්පර 09 ක් පිටු පසින් සිටි එම කණ්ඩායමේ ම තිළිණ ද සිල්වා මෙම
තරගාවලියේ දෙවන ස්ථානය දිනා ගත්තේය.තරගාවලියේ තෙවන ස්ථානය ශ්‍රී ලංකා පොලිසියේ
මොහොමඩ් සාලි හිමි කර ගත්තේ පැය 10:03:18 ක කාලයක් ගත් කරමින්ය
තරගයේ අවසාන අධියර මාතලේ සිට අනුරාධපුරයට පැමිණි අතර එම අදියර ජයගත් ශ්‍රී
ලංකා යුධ හමුදාවේ කිවිසුරු කරුණාරත්න සමස්ත තරගයේ ස්ප්‍රින්ට් ජයග්‍රාහකයා ද
විය.එසේම අවසාන අදියරේ දෙවන ස්ථානය දිනූ ශ්‍රී ලංකා ගුවන් හමුදාවේ ශිරාන් නදීර
සමස්ත තරගයේ ස්ප්‍රින්ට් ජයග්‍රහණ අංශයේ දෙවන ස්ථානය ද දිනා ගත්තේය.සිව්වන අදියරේ
තෙවන ස්තානය දෙහිවල - ගල්කිස්ස මහ නගර සභාව නියෝජනය කළ ආසිරි කැළුම් දිනා ගත් අතර
සමස්ත ස්ප්‍රින්ට් ජයග්‍රහණයේ තෙවන ස්ථානය ශ්‍රී ලංකා පොලිසියේ සුධීර නිලංග ට හිමි
විය.
No comments:
Post a Comment