එංගලන්ත සිංහ කණ්ඩායම සහ ශ්‍රී ලංකා ඒ කණ්ඩායම අතර පැවත්වෙන එක්දින
තරගාවලියේ තෙවැන්න ඊයේ කුරුණෑගල වෙළගෙදර ක්‍රීඩාංගණයේ දී නිමාවට පත් වූයේ ශ්‍රී
ලංකාවට තරගාවලිය පිළිබද යහපත් බලාපොරොත්තු ඇති කරමින්ය.දඹුල්ල රංගිරි දඹුලු ක්‍රීඩාංගණයේ
පැවති පළමු තරග දෙකම ලකුණු 68 ක් සහ 67 ක් ලෙස පිටිපසින් සිට පරාජය වී සිටි ශ්‍රී
ලංකාව මෙම තරගයේ දී කඩුලු 6 ක ජයක් ලබා නැවත තරගාවලියට අවතීර්ණ විය.
කාසියේ වාසිය ලබා පළමුව පන්දුවට පහර දුන් එංගලන්ත සිංහ කණ්ඩායම සිය නියමිත
පන්දු වාර 50 නිමාවට පත් කළේ කඩුලු 9 ට ලකුණු 258 ක් ලබා ගනිමින් ය.එංගලන්ත ඉණිම
ලකුණු 119 ක් රැස් කළ ජොස් බට්ලර් වටා ගොඩ නැගුණු අතර ශ්‍රී ලංකාව වෙනුවෙන් ලකුණු
36 ට කඩුලු 3 ක් දවා ගනිමින් එංගලන්ත සිංහයන් අඩපණ කිරීමට මුල් තැන ගත්තේය.
ශ්‍රී ලංකා ඉණිමේ මුල් කඩුලු 2 ක ලකුණු 22 ක් වෙද්දී අහිමි වුව ද අනතුරුව
පිටියේ එක් වූ භානුක රාජපක්ෂ සහ දිමුත් කරුණාරත්න තෙවන කඩුල්ල වෙනුවෙන් ලකුණු 132
ක සබදතාවයක් ද සිව්වන කඩුල්ල වෙනුවෙන් කරුණාරත්න සහ නායක තිළිණ කණ්ඩම්බි ලකුණු 82
ක සබදතාවයක් ද පිහිටුවමින් තරගය ශ්‍රී ලංක‍ව දෙසට නැඹුරු කළහ.කරුණාරත්න ශතකය පෙනි
පෙනී ලකුණු 94 ට දැවී ගිය අතර භානුක ලකුණු 72 ක් සහ කණ්ඩම්බි නොදැවී ලකුණු 55 ක්
එක් කළහ.
තරගයේ ලකුණු විස්තරයට පහත සබදතාවය හරහා පිවිසිය හැකිය.
No comments:
Post a Comment