කසකස්තානයේ පැවත්වෙන ලෝක බොක්සිං සූරතාවලියේ දී ශ්‍රී ලංකාවේ සිව්වන පරාජය සනිටුහන් කළ ගයාන් ජයවීර අති විශිෂ්ඨ සටනකින් පසුව පින්ලන්තයේ මෙටී කූටා අතින් අවාසනාවන්ත ලෙස පරාජයට පත් වුණා.තෝරා ගත් විනිශ්ඥයන් තුනක අවසාන ලකුණු සටහන් නිරීක්ෂනයේදී එම ලකුණු සටහන් තුනේම ගයාන්ට පරාජය හිමි වී තිබුණේ ලකුණු 29 - 28 ක් ලෙසයි.කිලෝග්‍රැම් 56 බර පංතියෙන් තරග වැදුණු ගයාන් පන්නල ස්ලිම් ලයින් ක්‍රීඩා සමාජය නියෝජනය කරමින් මෙවර ලෝක කුසලාන බොක්සිං සූරතාවලියට සහභාගි වන ශ්‍රී ලංකා කණ්ඩායමට එක් වී සිටිනවා.
හිස් ආවරණ රහිතව පවත්වනු ලබන ප්‍රථම ලෝක බොක්සිං සූරතාවලිය ලෙස ඉතිහාසයට එක්වෙන මෙම තරගාවලිය බොක්සිං ලෝලීන්ගේ වැඩි අවධානයක් දිනා ගැනිමට සමත් වී තිබෙන අතර මෙම තරගාවලියේදී හිස් ආවරණ වලින් තොරව ලොව පුරා විසිරී සිටින බොක්සිං සූරයන් අභිතව සටන් වදින ආකාරයත් දරුණු ප්‍රහාරයන්ට ඔරොත්තු දෙන්නට සූදානම් ශක්තිමත් දරා ගැනීමත් සුවිශේෂී කොට සැළකිය හැකියි.ශ්‍රී ලංකාවෙන් තරගාවලියට ඉදිරිපත් වූ ක්‍රීඩකයන් අතරින් ඉදිරියේදි තරග වැදීමට නියමිත මලිත් ප්‍රභාෂ්වර පමණක් වන අතර ඔහු මෙන්ම ඔහුගේ පුහුණුකරු වසන්ත කුමාරත් තරගාවලියට පෙර සිටම කසකස්තානයේ රැදී සිටිමින් ජාත්‍යන්තර බොක්සිං සම්මේලනයේ පුහුණු සැසි සදහා සහභාගි වී විශාල අත්දැකීම් සහිතව සිටින බැවින් ඔහුගේ තරගය පිළිබදව ශ්‍රී ලංකාව දැඩි විශ්වසනීයත්වයකින් පසු වෙනවා.
www.supirikrida.com
No comments:
Post a Comment