ශ්‍රී ලංකා දැල්පන්දු පරිපාලනය සදහා තේරී පත් වීමට නාම යෝජනා ලබා දී ඇති පිරිස ගේ නාම යෝජනා ප්‍රතික්ෂේප වීමට තව දුරටත් කල් ඇති බව ක්‍රීඩා අධ්‍යක්ෂ ජෙනරාල්වරිය පවසයි.පවතින තත්ත්වය අනුව ආසියානු දැල්පන්දු සූරතාවලිය කරන ලද දැල් පන්දු පරිපාලනයේ සියළු චෝදනාවලට එහි සභාපතිනියව සිටි තමාරා ධර්මකීර්ති පමණක් වගකිව යුතු බවක් පෙනෙන්නට ඇති අතර,ඉන් අනතුරුව පැවති සිංගප්පූරු සය ජාතික නෙට්බෝල් තරගාවලියේදී තේරීම් කමිටුවේ සහ පුහුණුකාරීත්වයේ ප්‍රධාන වගකීම් පැවරුවේද එම සංවිදාන කමිටුවේ සිටි සාමාජිකයන්ටය.දැනට එහි ලේකම්වරියව සිටි තැනත්තියද මෙම නිලවරණයේදී තරග වදින අතර ඒ පිළිබදව කිසිදු තීරණයක් නොගන්නේ මන්දයි කරන ලද විමසීමේදී ක්‍රීඩා අධ්‍යක්ෂ ජෙනරාල්වරිය ඉහත අදහස් දැක්වීම කළාය.ඇය තව දුරටත් පැහැදිළි කළේ ඒ පිළිබදව පත් කරන ලද පරීක්ෂණ කමිටු වාර්තාව තවමත් නොලැබී ඇති නිසා මේ තත්ත්වය උද්ගත වී ඇති බවය.එවැනි වාර්තාවක් නිකුත් නොවුණ ද අමාත්‍යවරයා පැවති නෙට්බෝල් පරිපාලනය සම්බන්ධයෙන් පරික්ෂණ කිරිමට පත් කළ කොමිටියේ තොරතොරු ලෙස වරින්වර අදහස් ප්‍රකාශ කළේය.අමාත්‍යවරයාට පරීක්ෂණයේ තොරතොරු කඩින් - කඩ වාර්තා කිරීමට එම කමිටු නිලධාරීන් පියවර ගත්තා නම් මේ වන විට සමස්ත වාර්තාව ද නිකුත් කිරිමට කාලය පැමිණ ඇති අතර එසේ වාර්තාව ලබා නොදී තව දුරටත් වැරදිකරුවන්ට බලයට පැමිණීමට ඉඩ හසර දිමක් සිදු කරන්නේ නම්,ඒ සදහා වගකිව යුතු පරීක්ෂණ කමිටුවේ සාමාජිකාවක නිලවරණයේදි සභාපති තනතුරට තරග වැදිම ද සදාචාර සම්පන්න නොමැත.
www.supirikrida.com
No comments:
Post a Comment