පානදුර මාස් යුනිචෙලා භුමියේ ක්‍රියාත්මක වූ පළමු ජාතික කඩු හරඹ සූරතාවලියේ ජයග්‍රහණය ලබන්නට පන්නල මාස් ස්ලිම් ලයින් කණ්ඩායම සමත් වුණා.එහා දක්ෂතම ක්‍රීඩාකයා ලෙස FOIL ඉසව්ව ජයගත් පන්නල ස්ලිම් ලයින් හී ප්‍රදීප් ගීකියන්ග සමත් වුණා.නමුත් අවසාන තරගවලදී විශිෂ්ඨතම ජය වාර්තා කළ සිළුවේටා කණ්ඩායමේ ගයාන් බණ්ඩාර EPEE ඉසව්ව ලකුණු 15 / 7 ලෙස ජය ගත්තා.නමුත් ගයාන්ගේ ඉසව්වේ තරගකරුවෙක් සහභාගි නොවිම නිසා ඔහුට තරග හතකට පමණක් සහභාගි වන්නට සිදු වූ අතර එහිදී ඔහු ලකුණු 37 ක් ලබා සිටියා.නමුත් තරග 8 දී ලකුණු 40 ක් රැස් කර සිටි ප්‍රදීප් ගීකියන්ග පළමු ජාතික සූරතාවලියේ සූරයා වීමේ අවස්ථාව උදා කර ගත්තා.තරගාවලියේ අනු සූරතාවය හිමිකර ගැනීමට සමත් වුණේ පානදුර යුනිචෙලා කණ්ඩායමයි.
කේවල SABRE ඉසව්වේදී පානදුර යුනිචෙලා කණ්ඩායමේ සදේෂ් චන්දන ජය ගත්තා.කාන්තා FOIL ඉසව්ව ජය ගැනීමට සමත් වුණේ ස්ලිම්ලයින් ක්‍රීඩා සමාජයේ කාන්චනා සදලංකා යි.EPEE කාන්තා ඉසව්වේ ජයග්‍රහණය ජාතික තලයේ බොක්සිං ක්‍රීඩිකාවක වන නිරංජලා වීරරත්න විසින් හිමි කර ගත්තා.SABRE ඉසව්වේ ජයග්‍රහණය හිමි වූයේ පානදුර යුනිචෙලා ක්‍රීඩා සමාජයේ කාන්චනා මධුභාසිණි ට යි.තරගාවලිය සංවිධානය කිරීමේදී විදේශීය පුහුණුකරුවන් යටතේ පුහුණුව ලබා දීමට අමතරව තරගයේ තීරණ සම්බන්ධයෙන් අපක්ෂපාතීත්වය ආරක්ෂා කිරීම සදහා ජාත්‍යන්තර කඩු හරඹ සංගමයේ නිල විනිසුරුවන් දෙදෙනෙකුද සහිතව අත්දැකිම් සහිත විදේශ විනිසුරුවන් යොදා ගැනීමට කටයුතු කර තිබුණා.
තරගාවලිය සරල සහ එහෙත් ගාම්භීර පෙණුමකින් සහ විධිමත් භාවයකින් සංවිධානය කරන්නට සෑහෙන වෙහෙසක් දරා තිබුණා.
මධ්‍යම පළාත් ප්‍රධාන අමාත්‍ය සරත් ඒකනායක ප්‍රධාන ආරාධිතයා මෙන්ම ජාතික ඔලිම්පික් කමිටුවේ ලේකම් මැක්ස්වල් ද සිල්වා ද මෙම අවස්තාවට එක් ව සිටි අතර එහිදී තරගාවලියේ සාර්ථකත්වයට උර දුන් මාස් සමූහය වෙනුවෙන් ඩයන් ගෝමස් ප්‍රකාශ කර සිටියේ ඉදිරි දිනෙක හ්‍රී ලංකාවට ඔලිම්පික් පදක්කමක සිහිනය සැබෑ කරන ඉසව්වක් බවට මෙම ඉසව්ව පත්වනු ඇති බවයි.
www.supirikrida.com
No comments:
Post a Comment