ඩිල්ෂාන් සහ මැතිව්ස් ගෞරවණීය සටනක

ශ්‍රී ලංකාවට එරෙහි වූ පීටර් සීඩ්ල්

ඕස්ට්‍රේලියාවේ කඩුලු 5 ට  ලකුණු 450 ක් වූ ඉලක්කය හඹා යාමට පිටියට පිවිස ලකුණු 87 ට කඩුලු 4 ක් දැවී පිට පිටම දෙවන වරටත් පන්දුවට පහරදීමේ අභියෝගය ඉදිරියේ අසරණව සිටි ශ්‍රී ලංකාව වෙනුවෙන් ගෞරවණීය සටනක නියැලි තිලකරත්න ඩිල්ෂාන් (147 ) සහ ඇන්ජලෝ මැතිව්ස් (75) පස්වන කඩුල්ල වෙනුවෙන් ලකුණු 161 ක සබදතාවයක් රදවා ගනිමින් ශ්‍රී ලංකා ඉණිම සියල්ල දැවී ලකුණු 336 ක් දක්වා රැගෙන යන්නට වාරු වූහ.ඒ සදහා පසුපෙළින් ප්‍රසන්න ජයවර්ධන (40) සහ නුවන් කුලසේකර (23) ලබා දුන් සහයත් නිසා ශ්‍රී ලංකා ඉණිමේ ඇති වන්නට තිබූ විශාල ලකුණු පරතරය ලකුණු 114 දක්වා අඩු කර ගන්නට ශ්‍රී ලංකා පිළිට හැකි විය.ශ්‍රී ලංකා ඉණිමට එරෙහිව නැගුණු ප්‍රධානතම අභියෝගය වූ පීටර් සීඩ්ල් ලකුණු 54 ට කඩුලු 5 ක් දවා ගැනීමට සමත් විය .
පිළිතුරු ඉණිමට පිවිසි ඕස්ට්‍රේලියාව ඊයේ දිනය නිමා වන විට කිසිවෙකු නොදැවී ලකුණු 27 ක් ලබා සිටි අතර මෙ සටහන තැබෙන මොහොත වන විට නොදැවුණු කඩුලු ගණනේ වෙනස් නොවී ලකුණු පූවරුව 87 ක් දක්වා ඉහළ ගොස් ඇත.ඒ අනුව දෙවන ඉණිමේ කිසිවෙකු නොදැවීම මේ වනවිට ශ්‍රී ලංකාව තරගයේ ලකුණු 201 ක් ඉදිරියෙන් සිටින අතර ඒ නිසා ශ්‍රී ලංකාවට මේ තරගයේ ජයග්‍රහණය සදහා නම් විශාල පෙරළියක් කිරීමට සිදු වනු ඇති අතර නැතිනම් සැබෑ තත්ත්වය තවත් දිනයක් ඉතිරිව තිබෙන බැවින් තරගය පරාජය නොවී සිටින්නේ කෙසේද යන්න පිළිබදව සිතීමය.
තරගයේ ලකුණු විස්තරයට පහත සබදතාවයෙන් පිවිසිය හැකිය.
http://www.espncricinfo.com/australia-v-sri-lanka-2012/engine/current/match/573011.html
www.supirikrida.com