වෝන් - මුරලිදරන් කුසලානය වෙනුවෙන් ක්‍රියාත්මක ශ්‍රී ලංකා ඕස්ට්‍රේලියා ටෙස්ට් තරගාවලියේ පළමු ටෙස්ට් තරගයේ දෙවන දිනය නිමා වන විට ඕස්ට්‍රේලියාව ප්‍රබල තත්ත්වයක පසු වුණා.පළමු ඉණිමට මයික් හසී නොදැවී ලබා ගත් ලකුණු 115 ත් සමග කඩුලු 5 ට ලකුණු 450 ක්ලබා ගත් ඕස්ට්‍රේලියාව සිය පන්දු යැවීමේ හැකියවෙන් දෙවන දිනය නිමා වන විට ශ්‍රී ලංකාව කඩුලු 4 ට ලකුණු 87 වැනි අසරණ අඩියකට ඇද දමන්නට ද සමත් වි තිබුණා.දැවී ගිය කඩුලු අතරට එක් නොවුනු එකම ප්‍රවීන පිතිකරුවා බවට පත් වූ ඩිල්ෂාන් දිනය නිමා වන විට නොදැවී ලකුණු 50 ක් ලබා හුදෙකලා සටනක නිරත සිටියා.පළමු දිනයේ ලකුණු 299 ක් කඩුලු 4 ට ලබා සිටි ඕස්ට්‍රේලියාව වෙනුවෙන් ඉලක්කම් තුනේ ඉණිම් ක්‍රීඩා කිරීම සාමාන්‍ය තත්ත්වය බව ප්‍රදර්ශනය කරමින් සිටින නායක මයිකල් ක්ලාක් විශාල හිස රදයක් වනු ඇතැයි අපේක්ෂා කළ ද ඔහු ලකුණු 74 ට දැවී ගියා.අනතුරුව මයික් හසී, මැතිව් වේඩ් සමග එක්ව ශ්‍රී ලංකාවට එරෙහි ගොඩ නැගුණු භයානකම සබදතාවය ක්‍රියාත්මක කළ අතර ඕවර් 37.5 දී ලකුණු 146 ක නොබිදි සබදතාවයක් ක්‍රියාත්මක කළේ ලකුණු පූවරුව 450 දක්වා ඉහළට ඔසවා තබමින් .
ඒ අනුව ප්‍රබල තත්ත්වයක පසු වූ ඕස්ට්‍රේලියා ලකුණු පූවරුවට අභියෝගයක් වන්නට පැමිණි ශ්‍රී ලංකාව වෙනුවෙන් ඉණිම ඇරඹු දිමුත් කරුණාරත්න ලකුණු 14 ට දැවී ගිය අතර යළිත් අසාර්ථක වූ සංගක්කාර ලකුණු 4 ට සහ මහේල ලකුණු 12 ට දැවී ගියා.
සමස්ත ලකුණු සටහන සදහා පහත සදහන් සබදතාවය භාවිතා කළ හැකිය.
http://www.espncricinfo.com/australia-v-sri-lanka-2012/engine/current/match/573011.html
www.supirikrida.com
No comments:
Post a Comment