දැනට පරිපාලන කමිටුවක් මගින් ක්‍රියාත්මක වන ශ්‍රී ලංකා දැල් පන්දු පරිපාලනයට සම්බන්ධව ක්‍රියාත්මක සංගම් 35 ක් අතරෙන් ක්‍රියාකාරී මට්ටමේ නැති සංගම්වලට ද ඡන්ද බලය ලබා දීමට අමාත්‍යවරයා තීරණය කර ඇත.දැල් පන්දුවේ අනාගතය පිළිබදව අවධානය යොමු කර ක්‍රියාකාරී පිරිස් සදහා මැදිහත්ව එම සංගම් නැවත පන ගන්වා ඡන්ද බලය දිනා ගැනීමට හැකි තත්ත්වයට පත් කර ගන්නා තුරු එම සංගම් ඡන්දය සදහා කැදවීම නොකළ යුතු වුවත්,ක්‍රීඩා සංවර්ධනයේ නාමයෙන් පෙනී සිටිමින් අමාත්‍යවරයාව කැකිල්ලේ රජුට ඇන්දවීමේ උත්සාහයක නියැලෙන පිරිසක් විසින් දෙන ලද උපදේශයක් අනුව අමාත්‍යවරයා මෙම තීරණයට එලැඹ තිබෙන බව ද සුපිරි ක්‍රීඩා වෙත වාර්තා වේ.පසුගිය කාලයේ දැල්පන්දු පරිපාලන කමිටුවේ බොහෝ තීරණ නිසාද අමාත්‍යවරයා ගේ භූමිකාව කැකිල්ලේට සමාන වූ බව ද පැවසිය යුතුය.අමාත්‍යවරයාගේ තීරණය සම්භන්ධයෙන් දැණුම් දෙන මාධ්‍ය නිවේදනයේ සදහන් වන්නේ දැල් පන්දුවේ අනාගතය පිළිබදව අවධානය යොමු කර දුර්වල සහ ක්‍රියාකාරී නොවූ සංගම් වලට ඡන්ද බලය පිරිනමන බවය.දුර්වල සහ ක්‍රියාකාරී නොවූ සංගම් වලට දැල් පන්දුවේ අනාගතය පිළිබදව අවධානය යොමු කරන්නේ නම් ඡන්ද බලය නොලැබිය යුතු නමුත් එම නිවේදයෙන් කෙරෙන ඊ ළග අනතුරු ඇගවීම වන්නේ එසේ ක්‍රියාකාරි නොවන සංගමයක නිද්‍රාශිලී අයෙකුට නිලවරණය පැවත්වෙන සභාපති,නියෝජ්‍ය සභාපති,ලේකම්,භාණ්ඩාගාරික,උප සභාපති තනතුරු පහක්,උප ලේකම්,උප භාණ්ඩාගාරික,තරග ලේකම්,උප තරග ලේකම් සහ සම්බන්ධිකරණ නිලධාරී තනතුරු සදහා ඉදිරිපත් වීමට ද අවස්ථාව හිමි වීමය.
නිලවරණය 24 දා පැවත්වෙන අතර ජනවාරි 04 දා මධ්‍යහන 12.00 ට පෙර නාම යෝජනා භාර දීම සිදු විය යුතුය.
www,supirikrida.com
No comments:
Post a Comment