ක්‍රීඩා තරග වලදී සිදුවන වැරදි භාවිතාවන් සහ ඉරියව් ආදි කරුණු හේතු කොට ගනිමින් ආබාධ වලට ගොදුරු වන සංඛ්‍යාවේ ඉහළ යාමක් දකින්නට ලැබෙන අතර දැඩි තරගකාරීත්වය වානිජකරණයට ලක් වීමත් සමග ඉහළ යාම ද මෙයට හේතුවක් ලෙස දැකිය හැකිය.මේ තත්ත්වය මත වඩා විද්‍යානුකූල පරිසරයක වෛද්‍ය උපදෙස් මත ක්‍රීඩකයාගේ පුහුණුව සිදු වීම මෙන්ම ශාරිරික සහ මානසික වශයෙන් පීඩාවන් හෝ රෝග තත්ත්වයන් ඇති නොවන පරිදි යහපත් සෞඛ්‍ය පරිසරයක් නඩත්තු කර ගැනිම ද වර්ථමානයේ අත්‍යවශ්‍යය කරුණක් බවට පෙරලෙමින් ඇත.මේ තත්ත්වය සැළකිල්ලට ගත් ජාතික ඔලිම්පික් කමිටුව ක්‍රීඩා වෛද්‍ය විද්‍යාව පිළිබදෛවෙද්‍යවරුන්ගේ දැණුම ඉහළ නැංවීම පිණිස තෙදින වැඩ මුළුවක් සංවිධානය කිරීමට පියවර ගෙන ඇත.දෙසැම්බර් 6 සිට 8 දක්වා පැවත්වෙන ජාතික ඔලිම්පික් කමිටුවේ වෛද්‍ය කමිටුව මෙහෙයවන මෙම දේශනමාලාව පැවත්වීමට ක්‍රීඩා වෛද්‍ය සංගමයේ මෙන්ම ජාත්‍යන්තර ඔලිම්පික් කමිටුවේ ආශිර්වාදය ද හිමි වී ඇත.
ක්‍රීඩා වෛද්‍ය විද්‍යාව පිළිබද වෛද්‍ය කේෂ්ත්‍රයේ විශාල උනන්දුවක් මෙන්ම පිබිදීමක සහ අවශ්‍යතාවයක් ඇති වෙමින් පවතින මොහොතක ඊට සහභාගි වීමට බලාපොරොත්තුවන වෛද්‍යවරුන් ඒ සදහා සහභාගි වන්නේ නම් හැකි ඉක්මණින් සහභාගීත්වයට සුදුසු කාරණා සම්පූර්ණ ගැනීමෙන් පාඨමාලාව වෙනුවෙන් ඉඩ ලබා ගැනීමට හැකි සුළු පිරිස අතරට එක් වීමේ හැකියාව ඇත.ලියාපදිංචි ගාස්තු ඇතුළු සියළු විස්තර ජාතික ඔලිම්පික් කමිටු වෙබ් අඩවියට පිවිසීමෙන් (www.srilankaolympic.org ) ලබා ගැනීමේ හැකියාව ඇති අතර ජාික ඔලිම්පික් කමිටුවේ වෛද්‍ය අංශයේ සභාපති වෛද්‍ය සී තුරෙයිරාජා (දුරකථන අංක 0777755188) හෝ ගයත්‍රි ලියනගේ (0112 684420 ) හරහා මේ සම්බන්ධයෙන් වැඩි දුරාත් තොරතුරු ලබා ගැනීමේ හැකියාව ඇත.
පහත සදහන් අප වෙබ් අඩවිය ඔස්සේ ද ජාතික ඔලිම්පික් කමිටුවේ වෙබ් අඩවියට සම්බන්ධ විමට අවස්ථාව ඇත.
www.supirikrida.com
No comments:
Post a Comment