ජාතික ක්රීඩාවේ අනාගතය වෙනු‍‍වෙන් සිදු කරන ප්‍රධානතම සත් කාර්යය ලෙස අනාගත දක්ෂයන් රටට හදුන්වා දෙන ඩීඑස්අයි සුපර් ස්‍‍පෝර්ස්ට්ස් වොලි‍බෝල් තරගාවලිය 2013 යට‍තේ පැවත්වෙන තරගාවලි‍‍යේ ජාතික මට්ටමේ තරග අද (24) සහ හෙට රුවන්වැල්ල රාජසිංහ විද්‍යාලීය ක්‍රීඩාංගණ‍යේදී පැවත්වීමට කටයුතු යොදා ඇත.වාර්තාගත කණ්ඩායම් ප්‍රමාණයක් ඉදිරිපත් වූ මෙම තරගාවලිය යට‍තේ පළාත් සූරතා දිනා ගැනීමට සමත් වූ අවුරුදු 18 න් පහළ,අවුරුදු 16 න් පහළ සහ අවුරුදු 14 න් පහළ යන වයස් ඛාණ්ඩ වලට අයත් බාලක බාලිකාවන් මෙම තරගාවලිය නි‍‍‍යෝජනය කරන අතර අවසාන වටය සදහා මෙහිදී එක් වයස් ඛාණ්ඩයකින් කණ්ඩායම් හතර බැගින් තෝරා ගැනීමට නියමිතය.
උතුරු නැගෙනහිර කණ්ඩායම් වලට අමතරව මෙවර ජාතික මට්ටමේ තරග වලදී මධ්‍යම පළාත නි‍‍‍යෝජනය කරමින් මහනුවර,මාත‍‍ලේ සහ නුවරඑළිය දිස්ත්‍රික් පාසල් අතරින් අවරුදු 16 න් පහළ බාලක සූරතාවය මස්‍‍කෙළිය පෙය‍ලෝන් දෙමළ විද්‍යාලය දිනා ගැනීම කැපී පෙ‍නෙන සිදුවීමකි.අතීත‍යේ උතුර නැගෙනහිර පළාත් වල මෙන්ම නුවරඑළිය හැටන් ප්‍ර‍‍දේශවලද වොලි‍බෝල් ශස්‍රීකව පැවති බවට ඇති සාක්ෂි වල ශක්ති‍‍යෙන් මෙවැනි නැගිටීම් යළි ඇතිවීම ජාතික ක්රීඩාවේ අනාගත ප්‍ර‍බෝධයට අතිශයින්ම වැදගත්ය.
www.supirikrida.com
www.supirikrida.com
No comments:
Post a Comment