ජමුනා ගෙන් විශිෂ්ඨ දස්කම්

කොළඹ සීආර් ඇන්ඩ් එෆ්සී ක්‍රීඩාංගණයේදී ක්‍රියාත්මක වන දකුණු ආසියාතික කාන්තා පාපන්දු තරගාවලියේදී පකිස්තානය සහ නේපාලය අතර පැවති තරගයේදී ගෝල ත්‍රිත්වයක් සමග ගෝල 4 ක් ලබමින් කැපී පෙනෙන දස්කම් දැක්වීමට නේපාල නායිකා ජමුනා ගුරුන්ග් සමත් වූවාය.නේපාලයේ වසරේ ක්‍රීඩිකාව ලෙස සම්මානනීය වූ ඇයගේ මෙම දස්කම හේතුවෙන් පකිස්තානයට එරෙහිව ගෝල 8 - 0 ක ජයක් ලබන්නට නේපාලයට හැකි වූ අතර නමුත් 2010 දී පකිස්තානයට එරෙහිව නේපාලය ලබාගත් ගෝල 12- 0 ක ජය හා සසදද්දී යම් පසුබෑමක් සේ දැකිය හැකිය.
මෙවර ද සූරතාවය අපේක්ෂාවෙන් තරග වදින ඉකුත් වසරේ සූරියන් වූ නේපාලය මෙවර ද ගියවර අවසාන තරගයේදී මෙන්ම ඉන්දියාව සිය ප්‍රතිවාදීන් වනු ඇතැයි අපේක්ෂා කරන අතර ඊයේ පැවති ඇෆ්ගනිස්තානය සහ මාලදිවයින අතර තරගය 1- 1 ලෙස ජය පරාජයෙන් තොරව නිමා විය.අද තරගාවලියේ් තෙවන දිනය වන අතර අද පැවත්වෙන ඒ කාණ්ඩයේ තරගවල දී උදෑසන 8.30 ට ශ්‍රී ලංකාව,ඉන්දියාවට එරෙහිව තරග බිමට පිවිසෙයි.පස්වරුවේ 3.30 ට තරග වදින්නේ බංගලාදේශය සහ භූතානය යි.
ඡායාරූපයේ දැක්වෙන්නේ ජමුනා ගුරුන්ග් වසරේ ක්‍රීඩිකාව ලෙස සම්මානනීය වූ අවස්ථාවේ ලැබූ ඡායාරූපයකි.
www.supirikrida.com