මංගල එස්එල්පීඑල් තරගාවලියේ අවසාන තරගයට එල්ල වූ වර්ෂාවේ බාධක මැද පන්දු ඕවර් 5.1 දි එක් කඩුල්ලකට ලකුණු 63 ක් රැස් කළ ඌව කණ්ඩායම ඩක්වර්ත් ලුවිස් න්‍යාය යටතේ ලකුණු 19 ක ජයක් අත් කර ගත්තේය.එහිදී ඌව කණ්ඩායමේ ජයග්‍රහණය වෙනුවෙන් පන්දු 23 දී හයේ පහර පහක් සමග ලකුණු 44 ක් ලැබූ ඩිල්ෂාන් මුණවීර තරගයේ වීරයා වෙමින් ලෝක කුසලාන 20 - 20 ශ්‍රී ලංකා කණ්ඩායමට සිය කැදවීම සාධාරණ තීරණයක් බව පැහැදිළි කළේය.එසේම පන්දුවෙන් විශිෂ්ඨ දස්කම් දැක් වූ නැගෙනහිර කණ්ඩායමේ සමින්ද එරංග තරගාවලියේ දක්ෂතම ක්‍රීඩකයා වෙමින් කැපී පෙණින.අවසාන තරගයේදී පළමුව පන්දුවට පහර දුන් නැගනහිර කණ්ඩායම වැසි තර්ජන මැද පන්දු ඕවර් 15 ට සීමා වූ සිය ඉණිම තුළ ලකුණු 134 ක් ලබද්දි නායකත්වයේ ඉණිමක් ක්‍රීඩා කළ ඇන්ජලෝ මැතිව්ස් ලකුණු 73 ක් රැස් කරේ පන්දු 27 කින් ය.ප්‍රදර්ශණාත්මක ඉණිමක නිරත වූ මැතිව්ස් මුහුණ දුන් පන්දු 27 න් හතරක්ම හයේ සීමාවේ පතිත වූ අතර පන්දු 8 ක් හතරේ පහර හැටියට ලකුණු විය.
පන්දු යැවීමෙන් යලිත් කැපී පෙණුන ජකබ් ඕරම් සිය පන්දු ඕවර් 4 ලකුණු 13 ට සීමා කරමින් කඩුලු 4 ක් ලැබීමට සමත් විය.පිලිතුරු ඉණිම ක්‍රීඩා කළ ඌව වෙනුවෙන් හුදෙකලා ඉණිමක් දියත් කළ ඩිල්ෂාන් යවන ලද පන්දු 31 න් 23 ක්ම සිය පිත්තේ දවටා ගත් අතර සිකුගේ ප්‍රසන්න ද පන්දු පහකින් ලකුණු 15 ක් ලබන්නට සමත් විය.තරගයේ සමස්ත ලකුණු විස්තරයට පහත සබදතාවයෙන් පිවිසිය හැකිය.
http://www.espncricinfo.com/sri-lanka-premier-league-2012/engine/match/571376.html
www.supirikrida.com
No comments:
Post a Comment