සයිබර් අවකාශයේ ක්රීඩාවේ හෙළ වදන
බටහිර කොදෙව් දූපත් හී ක්රියාත්මක තුන් කොන් ක්රිකට් තරගාවලියේ කොදෙව්වන් සහ ඉන්දියාව අතර පැවති තරගයෙන් සත්කාරකත්වයේ ගෞරවය බේරා දෙමින් එක් කඩුල්ලක ජයක් කරා කොදෙව් පිළ රැගෙන යාමට කොදෙව් ආරම්භක පිතිකරු චාල්ස් ජොන්සන් සහ ඩැරන් බ්රවෝ එක්ව තෙවන කඩුල්ලට පැවත් වූ ලකුණු 116 ක සබදතාවය හරහා හැකි විය කඩුලු තුනක් ලකුණු 26 ට දැවී තිබෙන මොහොතක කඩුල්ලේ එකවූ චාල්ස් සහ බ්රාවෝ දෙදෙන මෙම සබදතාවය තැබීමට සමත් වන අතර බ්රාවෝ ලකුණු 55 ක් එක් කරද්දී ජයග්රාහී ඉණිමේ නැංගුරම වන ආරම්භක පිතිකරු චාල්ස් අටවන කඩුල්ල ලෙස දැවී යන විට ලකුණු 97 ක් එක් කර ගෙන තිබුණේ පන්දු 100 ට මුහුණ දෙමින් හතරේ පහර 8 ක් සහ හයේ පහර 4 ක් සමගින්ය.ඩැරන් සාමි ද ප්රවේගකාරී ලකුණු 29 ක් එක් කළ අතර අවසාන මොහොතේකැමර් රෝච් කඩුල්ල රැක ගනිමින් නොදැවී ලකුණු 14 ක් ලබමින් කොදෙව් ජය සනාත කළේය.
ලන්ඩනයේ පැවති ජාත්යන්තර ක්රිකට් කවුන්සිලයේ වාර්ෂික විධායක කමිටු රැස්වීමේ දී 2023 තෙක් අයිසීසී ය විසින් මෙහෙයවන්නට යෙදෙන ජාත්යන්තර ක්රිකට් තරගාවලි සදසහා සත්කාරත්වය පිරිනැමීමට සුදුසු කිනම් රටවල් ද යන්න තීරණය වූ අතර එහිදී එම කාල වකවානුවේ පැවත්වෙන ජාත්යන්තර ඉසව්වක සහය සත්කාරකත්වයක් සදහා ලංකාවට අවස්ථාව ලැබී නැත.1996 වසරේ ලෝක කුසලාන තරගාවලියේ සම සත්කාරකත්වය මෙන්ම 2011 වසරේ ලෝක කුසලානයේ සම සත්කාරකත්වය ද දැරූ ශ්රී ලංකාව නිමා වූ 20/20 තරගාවලියේ තනි සත්කාරකත්වය දැරීය.
පින්ලන්තයේ පිහ්ටිපුඩා හි පැවති හෙල්ල වීසි කිරීමේ සැණකෙළියේ දී කාන්තා අංශයේ ඒ කාණ්ඩය නියෝජනය කළ ශ්රී ලංකාවේ නදීකා ලක්මාලි ඉකුත් වසරේ ලෝක කණිෂ්ඨ මලල ක්රීඩා සූරතාවලියේ රන් පදක්කම්ලාභිණිය වූ සොෆී ෆ්ලින්ක් පරායට පත් කරමින් එම ඉසව්වේ ජයග්රාහිකාව වූවාය.දින කිහිපයක් තිස්සේ ක්රියාත්මක මෙම සැණකෙළියේ මීට පෙරද දෙවන ස්ථානයක් දිනා සිටි නදීකා,03 දා පූනේ හී පැවත්වෙන ආසියානු මලල ක්රීඩා සූරතාවලියට පින්ලන්තයෙන් පිටත් වීමට පැය කිහිපයකට පෙර එම සැණකෙළියේ අවසාන අදියර නියෝජනය කරමින් එම ජයග්රහණය වාර්තා කළේ මීටර් 59.32 ක දක්ෂතාවයක් දක්වමින්ය. |
| සොෆී |
