ජාතික සංචිත සදහා මහජන සම්බන්ධතා පිළිබද වැඩ මුළුවක්

ජාතික ක්‍රීඩා මාධ්‍ය පදනම ක්‍රීඩා අමාත්‍යංශය සහ ප්‍රවෘත්ති දෙපාර්තමේන්තුව සමග එක්ව සංවිධානය කරන ජාතික ක්‍රීඩා සංචිත වල සිටින ක්‍රීඩක ක්‍රීඩිකාවන්ගේ සංනිවේදනය සහ මහජන සම්බන්ධතා පුළුල් කිරීම සම්බන්ධ වැඩ මුළුව මැයි මස 31 දා පෙ.ව.9.30 ට ක්‍රීඩා අමාත්‍ය මහින්දානන්ද අලුත්ගමගේ ගේ ප්‍රධානත්වයෙන් පොල්හේන්ගොඩ පිහිටි ප්‍රවෘත්ති දෙපාර්තමේන්තු ශ්‍රවණාගාරයේදී පැවත් වේ.
මේ සදහා ක්‍රීඩා අමාත්‍යංශයේ ලියාපදංචි ක්‍රීඩාවන් හී සියළුම ජාතික සංචිත සදහා ආරාධනා කර ඇති අතර ඒ අවස්ථාවට ඔලිම්පික් පදක්කම්ලාභී සුසන්තිකා ජයසිංහ සහ ජාත්‍යන්තර කීර්තියක් ශ්‍රී ලංකාවට ළගා කර දුන් දමයන්ති දර්ශා,සුගත් තිලකරත්න,ශ්‍රියානි කුලවංශ වැනි විශිෂ්ඨ ක්‍රීඩක ක්‍රීඩිකාවන් රැසක් එක් වීමට නියමිතය.
වැඩ මුළුව සදහා දේශකයන් ලෙස ප්‍රවීන ජනමාධ්‍යවේදීන් වන  අශෝක ගුණතිලක සහ දිනේෂ් වීරවංශත් ඔලිම්පික් කමිටු සභාපති හේමසිරි ප්‍රනාන්දු සහ රජයේ ප්‍රවෘත්ති අධ්‍යක්ෂ ආරියරත්න ඇතුගලත් එක්වීමට නියමිතය.
www.supirikrida.com

ක්‍රීඩාව නැංවීමේ උතුරු සමුළුව අද කිලිනොච්චියේදී

ක්‍රීඩා අමාත්‍යංශයේ සත් අවුරුදු ජාතික ක්‍රීඩා සැළැස්ම යටතේ ග්‍රාමීය ප්‍රදේශවල සිටින ක්‍රීඩක ක්‍රීඩිකාවන් හදුනාගෙන ඔවුන් නිවැරදි පුහුණු තාක්ෂණය යටතේ පෙරට ගෙන ඒමේ අරමුණෙන් පළාත් සහ රේඛීය අමාත්‍යංශ අතර සම්බන්ධතාවයන් පුළුල් කිරීම වෙනුවෙන් පවත්වා ගෙන යන වැඩ සටහනට අදාළව ක්‍රියාත්මක පළාත් ක්‍රීඩා සමුළු අතරින් උතුරු පළාත් ක්‍රීඩා සමුළුව අද කිලිනොච්චියේදී පැවත්වේ.

ක්‍රීඩාවේ යටිතල පහසුකම් පුළුල් කරමින් ක්‍රීඩා ශක්ති වැඩ සටහන ක්‍රියාත්මක කිරීම,විශේෂ පළාත් ක්‍රීඩා ව්‍යාපෘති ක්‍රියාත්මක කිරිම,පළාත් වෛද්‍ය ඒකක විඩි  දියුනු කිරිම වැනි ඒ ඒ පළාත් වල ක්‍රීඩාවන් සංවර්ධනය පිණිස ක්‍රියාත්මක වන පුළුල් ව්‍යාපෘති ගණනාවකට ශක්තිය වෙනු පිණිස පවත්වන මෙම පළාති වැඩ මුළුවට ක්‍රීඩා අමාත්‍යංශ ලේකම් ,ක්‍රීඩා අධ්‍යක්ෂ ජෙනරාල්,පළාත් ක්‍රීඩා අමාත්‍යංශ ලේකම් ඇතුළු ජාතික මට්ටමේ සහ පළාත් මට්ටමේ ක්‍රීඩා සංවර්ධනයට අදාළ විවිධ තනතුරු හී රැදෙන විශාල පිරිසක් සහභාගි වීමට නියමිතය.

www.supirikrida.com 

බිස්ලා ෂාරුක් ඛාන් ව ගොඩ දමයි

ඉන්දියන් ප්‍රිමියර් 20 – 20 තරගාවලියේ  ප්‍රථම වරට අවසාන තරගයකට පිවිසෙන්නට අවස්ථාව උදා කර ගත් කල්කටා නයිට් රයිඩර්ස් කණ්ඩායම එම ප්‍රවේශය සූරතාවය දිනා ගනිමින් අවසන් කරන්නට ඊයේ සමත් වුණා.සුචිරි බොලිවුඩ් නළු ෂාරුක් ඛාන් ගේ අනුග්‍රහය ලබන කල්කටා නයිට් රයිඩර්ස් කණ්ඩායම වෙනුවෙන් ෂාරුක් සිය බිරිද සහ දරුවන්   සමග තරගයේ පළමු පන්දුවේ සිට අවසාන පන්දුව දක්වාම ක්‍රීඩකයන් දිරි ගන්වමින් ඔල්වරසන් දෙමින් ජයග්‍රහණය ළගා කර ගැනීමට දැරූ අපමණ වෙහෙස සහ ගොඩනගා ගෙන තිබූ බලාපොරොත්තු සපල කළ මනවින්දර් බිස්ලා ගේ ඉණිම ෂාරුක් ඛාන් ගේ කණ්ඩායමට අයිපීඑල් කුසලානයත් බිස්ලා ට තරගයේ වීරයා සම්මානයත් ගෙන දෙන්නට සමත් වුණා.  

පිතිකරුවන් ගෙන් ගහන කණ්ඩායමක් වූ චෙන්නායි සුපර් කිංග්ස් කාසියේ වාසිය ලබා චෙන්නායි හී චිදම්බරම් තණතීරුවේ පන්දුවට පහර දීමට තීරණය කළ අතර එම තීරණය නිවැරදි බවට නායක මහේන්ද්‍ර සිං දෝනිට ප්‍රමාණවත් කරුණු එක් කළ මුරලි විජේ සහ මයික් හසී ආරම්භක කඩුල්ල වෙනුවෙන් පන්දු ඕවර් 10.2 ක් තුළ ලකුණු 87 ක් රැස් කළා.විජේ ගේ දැවී යාමෙන් පසුව කල්කටා පන්දු යවන්න්ගේ ඉරණම තව දුරටත් අභාග්‍ය සම්පන්න කළ සුරේෂ් රයිනා පන්දු 38 ක් තුළ ලකුණු 73 ක් රැස් කළේ නියමිත පන්දු වාර 20 තුළ කඩුලු 3 ට ලකුණු 190 දක්වා සුපර් කිංග්ස් ඉණිමේ වටිනාකම ඉහළට ඔසවා දමමින්.මෙමලකුණු ප්‍රමාණයට මයික් හසී ලකුණු 54 කින් දායක වූ අතර නායක මහේන්ද්‍ර සිං දෝනි නොදැවී ලකුණු 14 ක් ලබා ගත්තා.

පන්දු යැවීමේදී ජැක් කලිස් ලකුණු 34 ට,සකීබ් අල් හසන් ලකුණු 25 ට සහ රජාට් බහතා ලකුණු 23 ට එක් කඩුල්ල බැගින් දවා ගන්නට සමත් වුණා.පිළිතුරු ඉණිමට අවශ්‍යය වූ  දැවැන්ත ලකුණු 191 හඹා යාමට පිවිසි කල්කටා පිතිකරුවන් අතරින් නායක ගෞතම් ගාම්භිර් ට සාර්ථක වීමට මෝනි මෝර්කල්ගෙන් අවස්ථාවක් ලැබුණේ නැහැ.ලකුණු පූවරුව 3 ක් ව තිබියදී ගාම්භීර් ලකුණු 2 ට පිටියෙන් ඉව් වූයේ කල්කටා ඉණිමේ පළමු පන්දු වාරයේ අවසාන පන්දුවට යි.ඉන් අනතුරුව කල්කටා පිළේ රකින් මනවින්දර් බිස්ලා ගේ ප්‍රවේගකාරී පිතිකරණය සහ පළපුරුද්ද විසින් දායාද කළ ආක්‍රමණය සහ සංයමය මුසු ජැක් කලිස් ගේ ඉණිමත් දෙවන කඩුල්ලේ සබදතාවය ලකුණු පන්දු ඔවර් 13.4 ක් තුළ ලකුණු 136 ක් දවා රැගෙන ගිය අතර කල්කටාවට ජයග්‍රහණයේ ආශිර්වාදය ළගා කරන්නට සමත් වුණා.

පන්දු 48 කි් වාර්තා වූ බිස්ලා ගේ ලකුණු 89 මෙන්ම ජැක් කලිස් ගේ පන්දු 49 කින් වාර්තා වූ ලකුණු 69 ත් කල්කටා කණ්ඩායම පහසු ජයක් කරා රැගෙන යන බව පැහැදිළි කළත් අවසාන පන්දු ඕවර 2 පැමිණෙන විට ලකුණු 22 ක් පිටිපසින් මෙන්ම කඩුලු 5 ක් අහිමිව තිබීමත් නිසා ජයග්‍රහණය දෙපසට දෝලනය වන බවක් පෙනෙන්නට තිබුණා.එහිදී ශකීබ් අල් හසන් ලකුණු 11 ක් පන්දු 7 ක් තුළ දී ත් මනෝජ් තිවාරි ලකුණු 9 ක් පන්දු 3 ක් තුළදීත් ලබා ගනිමින් පීඩනයට එරෙහිව ආක්‍රමණය කැටි කරගත් කෙටි ඉණිම් දෙකක් හරහා නියමිත පන්දු වාර 20 නිමා වීමට තවත් පන්දු 2 ක් තිබියදී කල්කටා නයිට් රයිඩර්ස් කණ්ඩායම ජයග්‍රහණය වෙත රැගෙන ගියා.

තරගය සදහා දෙපිළටම කිසිදු ශ්‍රී ලංකා ක්‍රීඩකයෙක් ඇතුළත් නොවුණු අතර කල්කටා කණ්ඩායමේ සංචිතයේ හෝ ශ්‍රී ලංකා ක්‍රීඩකයෙකුගේ නමක් දකින්නට ලැබුණේ නැහැ.නමුත් චෙන්නායි සුපර් කිංග්ස් කණ්ඩායමට ඇතැම් විට පන්දුවෙන් ජයග්‍රහණ පවා ගෙන දීමට මූලික වූ නුවන් කුලසේකර මෙන්ම සුරාජ් රන්දිව් ද ඇතුළත් ව සිටියද ඔවුන් දෙදෙනාට අවසාන තරගයේදී අවස්ථාවක් ලබා දීමට චෙන්නායි සුපර් කිංග්ස් කන්ඩායම කල්පනා කර තිබුණේ නැහැ.

තරගාවලියේ වීරයා ලෙස ක්‍රිකට් ලෝකයේ අලුත්ම සොයා ගැනීම බවට පත්ව සිටින දකුණත් පිට දග පන්දු යවන සුනිල් නරීන් පත් වුණා.ඔහු තරග 15 ක් තුළ ලකුණු 324 ක ලබා දෙමින් කඩුලු 24 ක් දවා ගෙන සිටි අතර කඩුලු 4 බැගින් දවා ගත් අවස්ථා 4 ක් සටහන් කර තිබූ අතර තරගාවලියේ තරගයකදි කඩුලු 5 ක් දවා ගත් එකම පන්දු යවන්නා වෙමින් ඔහු ලකුණු 19 ට කඩුලු 5 ක් දවා ගන්නටත් සමත් වුණා.

තරගයේ සමස්ථ ලකුණු සටහන මේ සමග දැක්වෙනවා.

http://www.espncricinfo.com/indian-premier-league-2012/engine/current/match/548381.html

www.supirikrida.com 

සය වසරකට පසු සීවලිය යළි බොක්සිං ජය මාවතට පිවිසෙයි

මෑත ඉතිහාසයේ බොක්සිං පාසල ලෙස විරුදාවලි ලබා තිබූ යළිත් මද පසුබෑමක් පෙන් වූ රත්නපුර සීවලි මධ්‍ය මහා විද්‍යාලය සය වසරකට පසු එල්වී ජයවීර බොක්සිං කුසලානය දිනා ගනිමින් යළිත් ඩය මාවතට අවතීරණ විය.හොරණ මේධංකර විද්‍යාලයේ පැවති මෙවර එල්වී ජයවීර කුසලාන බොක්සි තරගාවලියේ සීවලියේ බොක්සිං ක්‍රීඩාවට වෙනදාටත් වඩා ආඩම්බර විය හැකි කාරනා විශාල ප්‍රමානයක් එක් වී තිබෙනු දකින්නට ලැබුණු අතර අනු සූරතාවය දිනූ පානදුර ශ්‍රී සුමංගල විද්‍යාලයේ පුහුණුකරු ලෙස කටයුතු කරන මාස් ආයතනයේ බොක්සිං පුහුණුකරුවෙකු වන රොහාන් දංගල්ල ද සීවලියෙන් බොක්සිං ක්‍රීඩාවට පිවිසි අයෙකි.

වසර ගණනාවකට පසුව ලද මේ ජයග්‍රහණය ලැබීමට පුහුණුකරුවන් ලෙස කටයුතු කරන උපුල් ඹදුශංඛ ගේ සහ තවමත් විද්‍යාපීඨ ගුරු සිසුවෙකු වන සීවලි බොක්සිං ක්‍රීඩකයෙකු වන ටීඑම් ධනංජය ගේ මග පෙන්වීම හේතු වූ බව පෙන්වා දෙන සීවලි ක්‍රීඩකයින් කලෙකට පසුව මෙවර නිවාසාන්තර බොක්සිං තරග පැවත්වීම සදහා ආශිර්වාද කරමින් විදුහල්පති කමල් ආරියසිංහයන් ලබා දුන් සහය නිසා එල්වී ජයවීර තරගාවලිය ජය ගැනීමට සමත් ක්‍රීඩකයින් පිරිසක් සොයා ගැනීමට හැකි වූ බව පැවසීය.විදුහල්පතිවරයාගෙන් මින් ඉදිරියට ලැබෙන සහයත් පුහුණුකරුවන්ගෙන් ලැබෙන සහයත්,බොක්සිං භාර ආචාර්‍යවරයාගේ සහ ආදිශිෂ්‍ය කණ්ඩායම් වෙනුවෙන් ප්‍රියන්ත වීරසිරි ඇතුළු පිරිස දක්වන කැපවීම සහ උනන්දුව මෙන්ම වර්ථමානයේ ශ්‍රී ලංකාවේ සිටින සුපිරිම පුහුණුකරුවෙකු වන වසන්ත කුමාර  නිරන්තරයෙන් මෙම පුහුණු කටයුතු අධික්ෂණයට ලක් කරමින් සහ සීවලියෙන් බිහි වූ සුපිරි ක්‍රීඩකයන් සෑම විටම තමන් පසුපස සිටීමත් මෙම ජයග්‍රහණයේ රහස බව සීවලි   සිසුවෝ තව දුරටත් පැවසූහ.

සුමංගල විද්‍යාලයට ජය ගෙන දීමට මග පෑදු වර්ථමානයේ ශ්‍රී ලංකාවේ සිටින කැපී පෙනෙන පුහුණුකරුවෙකු වන රොහාන් දංගල්ල වසර ගණනකට පසු සීවලිය මෙම ජයග්‍රහණය ලැබීම ගැන සතුටු වන බවත් වසන්ත කුමාර යටතේ බොක්සි කවයට පය තබා අද වන විට මාස් ආයතනයේ දයාබර කාරුණික මැදිහත් වීම මත තමන් සිටින ස්ථාවරය ගැන සතුට වන බවත් පෙන්වා දුන්නේය.තමාට සුමංගල විද්‍යාලයේ බොක්සිං පුහුණුවට මෙන්ම උපුල් මධුශංකට සීවලියේ බොක්සිං පුහුණුවටද ආශිර්වාද කරමින් තමන්ගේ සේවය අනාගත බොක්සිං ක්‍රීඩාවේ ප්‍රගමනය වෙනුවෙන් යොදවන්නට ඉඩ සළසා තිබෙන මාස් සමූහ වයාපාරයේ අධ්‍යක්ෂ ඩයන් ගෝමස්,මූල්‍ය පාළක  රුවන් කෑරගල ඇතුළු මාස් බොක්සිං පවුලට අයත් සියළු දෙනාටත් මෙම ජයග්‍රහණයේ අයිතිය හිමි විය යුතු බව දංගල්ල ගේ අදහසයි.

තරගාවලියේ දක්ෂතම ක්‍රීඩකයා ලෙස කිලෝ ග්රූම් 49 – 52 බර පංතියෙන් තරග වැදී ජය ලැබූ රත්නපුර සීවලි මධ්‍ය මහා විද්‍යාලයේ ලක්මාල් දයානන්ද තේරී පත් වූණු අතර තරගාවලියේ දක්සතම පරාජිතයා වූයේ උඩතලවින්න ජමීල් අස්වර් විද්‍යාලයේ එම්එච්එම් හම්සා ය.

සීවලි මධ්‍ය මහා විද්‍යාලය ජයග්‍රශණය සදහා රන් පදක්කම් තුනක්, රිදී පදක්කමක් සහ ලෝකඩ පදක්කම්  දෙකක් සමග ලකුණු 29 ක් ලැබූ අතර අනු සූරතාවය දිනූ සුමංගල විද්‍යාලයට එක් රන් පදක්කමක් සහ රිදී පදක්කම් දෙකක් සමග ලකුණු 18 ක් හිමි විය.තෙවන ස්ථානය ලකුණු 17 බැගින් රැස් කළ මහනුවර සිල්වෙස්තර විද්‍යාලය සහ ගම්පහ බණ්ඩාරනායක විද්‍යාල අතර සමව බෙදිණි.

www.supirikrida.com 

ආසියානු කණිෂ්ඨ සහය දිවීම් තේරීමේ දී නෙත්මි ,සිල්වා ,දුලාජ් සහ කුමාරි පෙරට එති

ආසියානු කණිෂ්ඨ මලල ක්‍රීඩා උළෙලේ ශ්‍රී ලංකාව නියෝජනය කරන සහය දිවීම් කණ්ඩායම් තෝරා ගැනීම සදහා වූ අවසාන තේරීම් තරග ඊයේ දියගම මහින්ද රාජපක්ෂ ක්‍රීඩාංගණයේදී පැවත්වුණා.එහිදී එම ඉසව් වල කේවල තරග සදහා සුදුසුකම් ලබා සිටින ක්‍රීඩක ක්‍රීඩිකාවන් ක්‍රීඩක ක්‍රීඩිකාවන් තරග නොවැදුණු අතර එහිදී එම ඉසව් වල ඉදිරියෙන් සිටින පළමු දෙදෙනා සමග සහය දිවීම සදහා තරග වදින සෙසු සාමාජිකයන් දෙදෙනා කවුරුන් ද යන්න තීරණය කිරීම සිදු වූ අතර එම තේරීම් වලදී පිරිමි මීටර් 100 තරගයෙන් කොළඹ ශාන්ත බෙනඩික්ට් විද්‍යාලය නියෝජනයකරන එච් ඒ සිල්වා ට ජය හිමි වුණා.තත්පර 11.06 ක කාලයක් වාර්තා කරමින් සිල්වා එම ඉසව්ව ජය ගත් අතර දෙවන ස්ථානය අම්බලන්ගොඩ ධර්මාශෝක විද්‍යාලයේ එච්එම්බී මධුශංක ට හිමි වුණා.

කාන්තා මීටර් 100 තරගය ජය ගත්තේ තත්පර 12.62 ක කාලයක් වාර්තා කළ කොළඹ මියුසියස් විද්‍යාලයේ නෙත්මි ද සිල්වා යි.දෙවන ස්ථානය විදුර විද්‍යාලය නියෝජනය කළ එස් මුදලිගේ විසින් දිනා ගත්තා.මීටර් 400 පිරිමි තරගය පස්යාල මහා විද්‍යාලයේ දුලාජ් මධුශංක ට හිමි ව අතර ඔහු වාර්තා කළ කාලය තත්පර 48.44 ක් වූවා.දෙවන ස්ථානය මහනුවර ත්‍රිත්ව විද්‍යාලයේ පීකේ අතුරුපාන විසින් දිනා ගත්තා.කාන්තා තරගයේදී ප්‍රථම ස්ථානය හිමි වුණේ තත්58.39 කින් ඉසව්ව නිමා කළ බීඑච්එස්කේ කුමාරියි.වලල ඒ රත්නායක විද්‍යාලයේ සිසුවියක් වන ඇය ඉදිරියේ දෙවැනි ස්ථානයට පත් වූයේ ශ්‍රී ලංකා ගුවන් හමුදාවේ ඩීජී හංසනි යි.

සමස්ථ තරග ප්‍රථිපලය පහත දැක්වෙනවා.

මීටර් 100 පිරිමි

1එච්එල් සිල්වා තත්.11.06, 2එච්එම්බී මධුශංක තත්.11.09, 3 තිමේෂ හේවගේ තත්.11.26, 4එම් මුතුආරච්චි තත්.11.28,5 අශාන්ත කුමාර තත්.11.28 6 ජූඩ් ලෝව් තත්.11.34

මීටර් 100 බාලිකා

1නෙත්මි ද සිල්වා තත්.12.62, 2එස් මුදලිගේ තත්.12.67, 3 නදීශානි හෙන්ඩර්සන් තත්.12.70,4එම්එස්ජේ වික්‍රමනායක තත්.12.73 5 ශිවන්ති කුමාරි රත්නායක තත්.12.74

මීටර් 400 පිරිමි

1දුලාජ් මධුශංක තත්.48.44, 2පීකේ අතුරුපාන තත්.48.77,3කේඑච්ඒසී විදුරංග තත්.48.91,4මලිත් රංගන තත්.49.05,5ලහිරු ප්‍රසංජිත් තත්.50.27

මීටර් 400 බාලිකා

1බීඑච්එස්කේ කුමාරි තත්.58.39,2ඩීපී හංසනී තත්.58.54,3ජේඒආර්ඒ ජයසිංහ තත්.59.63,4 එස්අයි ගමගේ තත්.61.29

www.supirikrida.com 

උපාලි සහ ගාමිණි ට ලෝක මට්ටමේ ලෝකඩ පදක්කමක්

උපාලි  (ඉහළ ) සහ ගාමිණි (පහළ)

කොරියවේ සියොල් හී පැවත්වෙන ජගත් රෝද පුටු ටෙනිස් කණ්ඩායම් තරගාවලියේ දී ශ්‍රී ලංකාව නියෝජනය කරමින් සහභාගි වූ උපාලි රාජකරුණා සහ ගාමිණි දිසානායක එහි දෙවන කාන්ඩයේ ලෝකඩ පදක්කමට හිමිකම් කියන්නට සමත් විය.ජර්මණිය සමග පැවති තරගයේදී 3 – 0 කජයක් ලැබූ ශ්‍රී ලංකා කණ්ඩායමේ ප්‍රධානතම ක්‍රීඩකයා වන උපාලි, ජගත් ‍ශ්‍රේණිගත කිරීම් හී අංක 52 ට සිටින ස්ටීවන් සොමෆෙල්ඩ් ට තියුණු තරගයක් ලබා දෙමින් ලකුණු 5 – 7 ක් සහ 6 – 3 ක් ලෙස සොමෆෙල්ඩ් ව පරාජය කිරීම කැපි පෙණින.

ගාමිනි දිසානායක ස්වේන් හිලර් ව ලකුණු 6 – 0 සහ 6 – 3 ක් ලෙස පහසුවෙන් පරාජය කළ අතර යුගල තරගයේදී ඔවුන්ට එරෙහිව  උපාලි සහ ගාමිණි ජය ගත්තේ ලකුණු 5 – 3 සහ 6 – 3 ලෙසය.මේ අතර එම කාණ්ඩයේ සූරතාවය තායිලන්තයට හිමි වූ අතර අනු සූරතාවය හිමි වූයේ දකුණු අප්‍රිකාවට ය.උපාලි සහ ගාමිණි පුහුණු කිරීමෙන් ඔවුන් ජගත් තලයට ඔසවා තැබීම සදහා දායක වන්නේ ජගත් වැලිකල ය.

 www.supirikrida.com

මල්හාස් ට රොග් ගේ කොඩියත් නැති වෙයි ද?

සවුදි අරාබියාව කිසිදු ජාත්‍යන්තර ක්‍රීඩා ඉසව්වකට කාන්තාවන් සහභාගි නොකිරීමට ගත් තීරණය හේතුවෙන් මෙවර ලන්ඩන් ඔලිම්පික් උළෙලට සහභාගි වීමේ බලාපොරොත්තුවෙන් සිටි සිංගප්පූරුවේ පැවති යොවුන් ඔලිම්පික් උළෙලේ දී අශ්වාරෝහක ඉසව්වලදී ලෝකඩ පදක්කමක් දිනා ගත් ඩැල්මා මල්හාස් ඇතුළු ක්‍රීඩිකාවන් පිරිසකට එම උළෙල නියෝජනය ට අවස්ථාව අහිමි වන බව වාර්තා වේ.මේ සම්බන්ධයෙන් ඔලිම්පික් කමිටු සභාපති ජැක් රොග්ස් ගේ සහයෝගය ඇතිව ජාත්‍යන්තර ඔලිම්පික් කමිටු ධජය යටතේ මෙම ඔලිම්පික් උළෙල නියෝජනයට සවුදි අරාබි කාන්තාවන්ට අවස්ථාව හිමි වෙනු ඇතැයි බලාපොරොත්තු පළ වුන ද තවමත් ඊට සහය ලැබෙනාකාරයේ සාර්ථක පිළිතුරක් ජැක් වෙතින් ද ලැබී නැත.

ජාත්‍යන්තර ඔලිම්පික් කමිටුවේ කාන්තා සහ ක්‍රීඩා අංශයේ ඇනිටා ඩිෆ්‍රැන්ට්ස් මේ සම්බන්ධයෙන් දැඩි විවේචනයක සිටින අතර නිව්යෝක් හී පිහිටි ජාත්‍යන්තර මානව හිමිකම් කමිටුවක් දක්වා ද මෙම කාන්තා සහභාගීත්වයේ ගැටළුව දුර දිග ගොස් ඇත.නමුත් සුභවාදී ලෙස සෘජු ප්‍රකාශයක් නොකරන ඔලිම්පික් කමිටු සභාපිතිවරයා ‘අපි බලමු’ යන ස්ථාවරයේ සිට සවුදි අරාබි ක්‍රීඩිකාවන්ට අවශ්‍යය එලිම්පික් පරිසාධන මට්ටමට පිවිසෙන ලෙස ද ආරාධනා කරමින් සවුදි අරාබියා ඔලිම්පික් කමිටු ප්‍රධානිනන් ගේ අවසරය දිනා ගැනීමේ වැඩි ශබ්දයකින් තොර අරගලයක නිරත වෙයි.

www.supirikrida.com