නැවත මේ රටේ යුද්ධයක් ඇති නොවන්නටනම් උතුරේ සිත්
තුළ දකුණ පිළිබදව දැඩි විශ්වාසයක් ජනිත කිරීම අනිවාර්යය කළ යුතුය.ඒ සදහා විශ්වසනීය
අනාගතයක් අවැසිය.එහි ශක්තිමත් පියවරක් ලෙස දෙපස තරුණ සිත් ශක්තිමත්ව විශ්වාසයෙන්
මිත්‍රත්වයෙන් බැද තැබීම ඇවැසිය.ඒ වෙනුවෙන් ගත් උත්සාහයක් ලෙස යෞවන කටයුතු සහ
නිපුණතා අමාත්‍යංශය ජාතික තරුණ සේවා සභාව සමග එක්ව යාපනයේ පවත්වන්නට යෙදුණු බක්මහ
උළෙළ හැදින්විය හැකිය.
යෞවන කටයුතු අමාත්‍ය ඩලස් අලහප්පෙරුම ගේ ප්‍රධානත්වයෙන්
පැවති මෙම බක්මහ උළෙල සංවිධානය කිරීමේහිලා මූලිකත්වය ගත් ජාතික තරුණ සේවා සභාවේ
සභාපති ලලිත් පියුම් පෙරේරා එක් දිස්ත්‍රික්කයකින් සිය දෙනෙකු බැගින් උතුරේ
අවුරුදු උත්සවය සදහා සහභාගි කරවන්නට පියවර ගෙන තිබිණ.සාම්ප්‍රදායික අවුරුදු ක්‍රීඩා
සදහා මුල් තැනක් දෙමින් ක්‍රියාත්මක වූ එම අවුරුදු උත්සවයේ විශේෂ අවස්ථා කිහිපයක්
පහත ඡායාරූපවලින් දැක්වේ.
නමුත් සාමාන්‍ය අවුරුදු උත්සවයක් නොවූ මෙම
අවුරුදු උළෙලේ ජාතික වටිනාකමට සැබෑ අරුතක් එක් වන්නේ උතුරේ හැගීම් දෙස ජාතිවාදීව
ආගම්වාදීව කොටු වී ග්‍රෝත්‍රික මනසකින් නොබලා අන් සංස්කෘතීන්ට ගරු කරන හැගීම් තාරුණ්‍යයට
කියා දෙන මාවතක් තරුණ සේවා සභාව හරහා විවර
වන්නේ නම් මේ අවුරුදු උත්සවයේ වසන්ත සිරිය,අවුරුදු උත්සවය පැවති මොහොතටත් වඩා අනාගතයේදී රටටම දැනෙනවා නිසැකය.
www.supirikrida.com
www.supirikrida.com
No comments:
Post a Comment