හැට පැන්න පළමු ලාංකේය ක්‍රීඩිකාව නදීකා

දින කිහිපයකට පෙර පින්ලන්තයේ පැවති හෙල්ල වීසි කීරීමේ සංදර්ශනයකදී ජගත් කණිෂ්ඨ හෙල්ල වීසි කිරීමේ සූරිය පරාජය කරමින් මීටර් 59.32 ක දක්ෂතාවයක් පෙන්වමින් නව ශ්‍රී ලංකා වාර්තාවක් පිහිට වූ නදීකා ලක්මාලි පූනේ හී ක්‍රියාත්මක ආසියානු මලල ක්‍රීඩා සූරතාවලියේ දී එම වාර්තාව මීටර් 60ත16 දක්වා වර්ධනය කරමින් එම තරගාවලියේ රිදි පදක්කම්ලාභිණිය වූයේ එම ඉසව්වේ මීටර් 60 සීමාවට පිවිසි පළමු ලා‍ංකේය ක්‍රීඩිකාව බවට පත් වෙමින්ය.මෙම දක්ෂතාවය නිසා ඇය ජගත් මලල ක්‍රීඩා සූරතාවලියේ දී හෙල්ල වීසි කිරීමේ ඉසව්ව සදහා සුදුසුකම් ලැබූ අතර ඇය පළමු වරට ජාතික වාර්තාව පිහිට වූ පසු ශ්‍රී ලංකාවේ දී පරාජය වී ඇත්තේ එක් වරක් පමණක් වන අතර එම පරාජය කිරීමේ ගෞරවය හිමි නදීශානි ලේකමගේ ද මෙම තරගයට ඉදිරිපත් වූ අතර ඇය 50.18 ක දක්ෂතාවයක් දක්වමින් ඉසව්වේ අට වැන්නා වූවාය.
ගාල්ල ඇල්පිටිය ප්‍රදේශයෙන් බිහි වූ නදීකා කාන්තා හෙල්ල වීසි කිරීමේ ඉසව්වෙන් ශ්‍රී ලංකාව බිහි කළ සුවිෂේශීම ක්‍රීඩිකාව වන්නේය.ඔලිම්පික් තරගාවලිය සදහා වීසි කිරීමේ ඉසව්වකින් සුදුසුකම් ලද පළමු ලාංකේය ක්‍රීඩිකාව වන නදීකා මෙම ආසියාතික මලල ක්‍රීඩා සූරතාවලි ජයත් සමග ලෝක සූරතා කුසලාන තරගාවලියට ද සුදුසුකම් ලබමින් ඔලිම්පික් සහ ලෝක සූරතාවලි සදහා අදාළ යෝග්‍යතා සීමා ජය ගනිමින් සහභාගීත්වයට සුදුසුකම් ලැබූ පළමු ක්‍රීඩිකාව ද වන්නීය.
මේ අතර අද තුන්වන මීටර් 200 කාන්තා මූලික තරගයේ දෙවැන්නිය වූ සුජිනි බුද්ධිකා හෙට අවසන් තරගය සදහා සහභාගි වීමේ වරම් ලබා ගත්තාය.මීට පෙර එම ඉසව්වෙන් ආසියාතිත සූරතාවලි ලෝකඩ පදක්කමක් දිනා සිටින සුජානි පළපුරුදු ක්‍රීඩිකාවක් වුව ද,ඇය අවසන් තරගයට ඉදිරිපත් වන ක්‍රීඩිකාවන අතර මූලික වටයේ අවසායටම තිබෙන කාලය වාර්තා කළ ක්‍රීඩිකාව වන්නීය.
හෙට ශ්‍රී ලංකාව වෙනුවෙන් දැනටමත් ලෝක සූරතාවලිය සදහා සුදුසුකම් ලබා සිටින ක්‍රිස්ටීන් මෙරිල් මීටර් 400 කඩුලු ඉසව්වටත් ඩබ්ලිව්කේඑල්ඒ නිමාලි මීටර් 800 ඉසව්වටත් තරග වදින අතර ආසියාතික මලල ක්‍රීඩා සූරතාවලි රන් පදක්කම් දෙකකට උරුමකම් කියන මංජුල කුමාර උස පැනීමේ ඉසව්වට මුහුණ දෙන්නට නියිමිතය.මෙම තිදෙනාම පදක්කම් බලාපොරොත්තු අතර සිටින අය වන අතර නමුත් මෙම ක්‍රීඩිකාවන් දෙදෙනාම අසනීප වලට ගොදුරු වී තිබෙන අතර ක්‍රීඩකයන් ඉල්ලා සිටියදී ත් වෛද්‍යවරයෙකු නිර්දේශ නොකළ බැවින් එම දෙදෙනාටම ගැටළුකාරී තත්ත්වයන් වලට මුහුණ දෙන්නට ද සිදු වී ඇත.හෙට තරග බිමට පිවිසෙන අනෙක් ක්‍රීඩිකාව වන්නේ මීටර් 500 සදහා තරග වදින ගීතානි රාජසේකරය.
www.supirikrida.com

ලංකාව ඉන්දියාවටත් එක්කම ලකුණු ලබා ගනියි

මධ්‍යම ආසියානු උප කලාපීය වොලිබෝල් තරගාවලියේ ඉන්දියාව සමග පාවති තරගයෙන් ඓතහාසික ජයක් කරා යාමේ හැකියාව තිබුණද කණ්ඩායමේ දුරුවලකම් මෙන්ම පුහුණුකරුවන් විසින් ගන්නා ලද අවස්ථානුකූල නොවන ඇතැම් තීරණ ද නිසා ශ්‍රී ලංකාවට තරග වට 3 - 0 ක පරාජයක් විද ගන්නට ශ්‍රී ලංකාවට සිදු විය.ප්‍රථම වටයේ මුල් ලකුණු 16 සදහා දෙවන තාක්ෂණික විවේකය ලබා ගන්නා විට ඉන්දියාව එම ලකුණු 16 න් ලකුණු 9 ක්ම ලබා ගෙන තිබුණේ ශ්‍රී ලංකාවේ අසාර්ථක පිරිනැමීම් 7 ක් සහ අසාර්ථක පන්දු ගොඩ ගැනීම් 2 ක් හරහාය.
දෙවන වටයේදී දැඩිව තරගයට පිවිසි ශ්‍රී ලංකා ක්‍රීඩකයන් අතරින් ජනිත සුරත්,කේසල හිරණ්‍ය මෙන්ම පන්දු සකසන නිලංග සංජය ප්‍රමුඛව දක්වන දක්ෂතා නිසා ලකුණු 21 වන තෙක්ම ශ්‍රී ලංකාව ඉදිරියෙන් සිටි අතර එම වටයේ පළමු සහ දෙවන තාක්ෂණික කෙටි විවේක වලදී ද ඉදිරියෙන් සිටියේ ශ්‍රී ලංකා කණ්ඩායමය.නමුත් ලකුණු 21 - 15 ක් ලෙස ශ්‍රී ලංකාව ඉදිරියෙන් සිටින විට දැල ආවරණයට ඉන්දීය ක්‍රීඩකයෙකු අලුතෙන් යෙද වූ අතර ඔහු සාර්ථක වෙද්දී ඒ සමාන ශ්‍රී ලංකාවේ දක්ෂතම දැල ආවරණය කරන්නා සහ කෙටි පන්දු ප්‍රහාරකයා වන හිරණය කේසල පිටියෙන් ඉවත් කර තැබීමට කණ්ඩායමේ පුහුණුකරුවා පියවර ගත්තේය.ඒ සමගම ඉන්දීය කණ්ඩායම තරගය ගලා ගිය රිද්මය යම් මන්දගාමී තත්ත්වයකට පෙරලා ගැනීමට සමත් වූ අතර පිට පිටම පන්දු ලබා ගැනීම් අසාර්තක වූ අතර එහි අවසාන ප්‍රතිපලය වූයේ පරාජය වී සිටි ඉන්දියාව ලකුණු 28 26 ලෙස තතරග වටය ජය ගැනීමය.
තරගයේ තෙවන වටයේදී ඉන්දියාව වැඩි විශ්වාසයකින් කටයුතු කරමින් ශ්‍රී ලංකාව ලකුණු 19 රැදී සිටියදී තරගයේ ජය අත් කර ගන්නට සමත් වූ අතර ඉන්දියාවේ එම ජයග්‍රහණයත් සමග ඔවුන් අපරාජිතවත් ඔවුන්ට පමණක් පරාජය වූ පකිස්තානයත් ඊ ළග වටය සදහා සුදුස්සෝ වූහ.
ශ්‍රී ලංකාවට කීර්තියක් අත් කර දුන් ක්‍රීඩකයන්ට විවේචන වලින් තොරව ජාතික කණ්ඩායමෙන් ගෞරවණීය ලෙස ඉවත්ව යාමට කාලය එළැඹ තිබෙන බව පැහැදිළි වූ අතර එසේම පුහුණුකරු අවස්ථාණූකූලව ක්‍රියා කිරීම සම්බන්ධයෙන් තව දුරටත් විශාල  අධ්‍යයනයක් ලැබිය යුතුය.
මේ අතර මාල දිවයින සහ පකිස්තානය අතර තරගයෙන්,පකිස්තානය ලකුණු 25 - 13,25 -19 සහ 25  - 20 කි ලෙස ඩය ගැනීමට සමත් වූහ.
www.supirikrida.com

ජයග්‍රහණය තියෙන්නෙ අපේ ආරක්ෂක පෙළ සතුවයි - ධම්මිකා මල්කාන්ති

මැලේසියාවෙ සහ ශ්‍රී ලංකාවේ කණ්ඩායම් දෙකම කවදත් ෂූටිං වලට දක්ෂයි.ඒ නිසා අපේ ඩිෆෙන්ස් එක හොදටම කරන්න ඕනෑ.එතනදි ගයනි දිසානායක ඉන්න එක අපිට ලොකු වාසියක්.එයාට එක්ස්පීරියන්ස් තියෙනවා යැයි ශ්‍රී ලංකාව අවසාන වරට ආසියානු යොවුන් කුසලානය දිනා ගත් තරගාවලියේ ආසියානු යොවුන් දැල් පන්දු රැජිණ ලෙස තේරී පත් වූ ධම්මිකා මල්කාන්ති මෙවර අවසාන තරගය පිළිබදව කරන ලද විමසීමකදී කියා සිටියාය.
ආරක්ෂක පෙළ ක්‍රිඩිකාවක් ලෙස එවර තරගාවලියේදී ප්‍රතිවාදීන් මැඩීමට ධම්මිකා ක්‍රියාකළ ආකාරය ඇය දැල් පන්දු රැජින ලෙස අභිෂේක ගැන්වීමට හේතු වූ අතර 2001 ශ්‍රී ලංකාවේ පැවති ආසියානු දැල් පන්දු තරගාවලියේ ශ්‍රී ලංකාවේ ජයග්‍රහණයේ ප්‍රධානතම සාධකය බවට පත් වෙමින් අවසාන මොහොතේ තරගයට පිවිස සිංගප්පූරු ප්‍රහාරයන් කිහිපයක් මැඩලීයට ක්‍රියා කළේද ධම්මිකාය.
හොද ටීම් එකක් ඉන්නවා.ඒ වගෙම හොද තීරණ අරං තියෙනවා.විෂේශයෙන්ම දුලංගි වන්නිතිලක ගේ පොසිසන් එක ෂූටර් ගෙ ඉදල සෙන්ටර් එකට ගෙනාපු එක හොද දෙයක්.එයාට ඉන්ටර්නැෂනල් ෂූටර් කෙනෙක් වෙන්න උස අඩුයි.ඒ වුණාට හොදට ෆිට්නස් තියෙන හොදට පාස් කරන ක්‍රීඩිකාවක්.ඒ නිසා එයාව සෙන්ටර් ප්ලේ කරන්න ගෙනාපු එක හොද තීරණයක් යනුවෙන් ද ධම්මිකා වැඩි දුරටත් අදහස් දක්වමින් පැවසුවාය.
ශ්‍රී ලංකා කණ්ඩායමට නායකත්වය දෙන සේමිනි අල්විස් මෙන්ම තිසාලා අල්ගම ද දැල අසළ කාර්යය නිවැරදිව ඉටු කරන බවට ලොකු විශ්වාසයක් තැබිය හැකි බව පෙන්වා දුන් ධම්මිකා ඒ දෙදෙනාටම ජාත්‍යන්තර මට්ටමේ ඇති අත්දැකීම් ඒ සදහා ලොකු පිටුවහලක් වනු ඇති බව ද පෙන්වා දුන්නාය.
ඊයේ අවසාන පූර්ව තරගයේදි හොංකොං කණ්ඩායමට ලකුණු 70 - 28 ක පරාජයක් අත් කර දුන් ශ්‍රී ලංකාව හෙට අවසාන තරගයේදී සිංගප්පූරුව ලකුණු 52 - 32 කින් පරාජය කළ මැලේසියාවට මුහණ දීමට සූදානම්ය.තරගාවලියේ මේ දක්වා පැවති තරග දත්ත සංසන්දනය කර බලද්දී ශ්‍රී ලංකාව ඉදිරියෙන් සිටින බව පැහැදිළි නමුත් මැලේසියාව ද ලකුණු ලබා ගැනීමේ සාර්ථකත්වය සම්බන්ධයෙන් ඉහළ ප්‍රතිශතයක් පෙන්වන කණ්ඩායමක් බැවින් ඔවුන්ට ශ්‍රී ලංකා දැල ආක්‍රමණය කිරීමට ඇති ඉඩ - කඩ අවම කළ යුතු අතර එවැනි සෑම අවස්ථාවක්ම අපහසු අවස්ථාවක් බවට පත්කිරීමට ශ්‍රී ලංකා ආරක්ෂක අංශය ක්‍රියා කළ යුතුය.
මේ අතර ශ්‍රී ලංකාවේ හිටපු ජාතික පුහුණුකාරිණිය වන තිලකා ජිනදාසගේ මග පෙන්වීමෙන් ආලෝකමත් වී ඇති බෘනායි කණ්ඩායම,අද තරගාවලියේ පස්වන ස්ථානය සදහා තරග වදින අතර,ඔවුන්ගේ ප්‍රතිවාදීන් වන්නේ තායිලන්තය ය.හොංකොං කණ්ඩායමට කරට කර තරගයක නියැලි බෘනායි ක්‍රීඩිකාවෝ තියුණු තරගයකින් පසුව පරාජය නොවන්නට ඔවුන්ට මෙවර පළමු කණ්ඩායම් හතර අතර රැදෙන්නට අවකාශ තිබුණ අතර ඔවුන් ඊයේ ශ්‍රේණිගත කිරීම් තරග වලදී මාල දිවයින කණ්ඩායම පරාජයට පත් කර ලකුණු 82 - 18 ක ජයක් ලැබීමට අවස්ථාව උදා කර ගත්තේය.

ඉන්දියාව යළි උපදියි

කොදෙව් දූපත් වල පැවත්වෙන තුන් කොන් තරගාවලිය වඩාත් විවෘත මුහුණුවරකට පෙරළු ඉන්දියාව තරගාවලියේ ප්‍රථම ජයග්‍රහණය ප්‍රසාද ලකුණක්ද සමග වාර්තා කිරීමට ඊයේ සමත් වුණා.කාසියේ වාසිය ලැබූ ඩ්වේන් බ්‍රාවෝ පළමුව පන්දුවට පහර දීමට ඉන්දියාවට ආරාධනා කළ අතර ඔවුන්ට චැම්පියන්ස් කුසලාන දිනා ගැනීමට බල පෑ ප්‍රධානතම සාධකය බවට පත් වූ රෝහිත් ෂර්මා සහ ෂිකර් ධවාන් තුන් කොන් තරගාවලියේ ප්‍රථම වරට සාර්ථක වෙමින් ඊයේ පළමු කඩුල්ල වෙනුවෙන් ලකුණු 123 ක සබදතාවයක් පවත්වන්නට යෙදුණා.අනතුරුව පිටියට පිවිසි ඉන්දියාවේ ප්‍රධානතම පිතිකරු බලාපොරොත්ුව බවට පත් වී සිටින විරාට් කෝලි නායකත්වයේ වගකීම ද සමගින් අපූරු ඉණිමක් ක්‍රීඩා කළේ ලකුණු 102 ක් රැස් කරමින්.පන්දු 83 දී හයේ පහර 2 ක් සහ හතරේ පහර 13 ක් සමග වාර්තා වූ එම ඉණිම ආධාර කර ගත් ඉන්දීය ලකුණු පූවරුව ඕවර් 50 නිමා වන විට කඩුලු 7ට ලකුණු 311 ක් ලෙස සටහන්වී තිබුණා.
පිළිතුරු ඉණිමට පිවිසි කොදෙව් පිතිකරුවන්ට ලකුණු 300 යන්න යම්කිසි ආකාරයක මානසික පීඩනයක් ඇති කර තිබෙන බව පැහැදිළි කළ අතර ජොන්සන් චාල්ස් (45) හැරෙන්නට අන් කිසිදු මුල් පෙළ පිතිකරුවෙකු සාර්ථක වන්නට හැකි වූයේ නැහැ.තරගයේ අග බාගයේ කැමරන් රෝච් වගකීමෙන් යුතු ඉණිමක් ක්‍රීඩා කරමින් ලකුණු 34 ක් එක් කළ ද,එය ඉන්දියාවට තරගය ප්‍රසාද ලකුණක් සහිතව ජය ගැනීම වැළක්වීමට ප්‍රමාණවත් වුණේ නැහැ.
ඉන්දීය කණ්ඩායම වෙනුවෙන් උමේෂ් යාදෙව් 32 ට කඩුලු 3 ක් ලබා ගත් අතර බුවනේෂ් කුමාර් කඩුලු 3 ක් ලකුණු 19 ට ලබා ගත්තා.ආරම්භක පන්දු යවන්නන් ලෙස තරගය ආරම්භයේ සිටි එම දෙදෙනා ඇති කළ පීඩනය හේතුවෙන් කොදෙව් ඉණිම පන්දු ඕවර් 34 දි ලකුණු 171 ට සීමා වුණා.වර්ෂාව නිසා පන්දු ඕවර් 39 දී ලකුණු 274 ක් වූ කොදෙව් ඉලක්කය අසාර්ථක වෙමින් ඉන්දියාවට ලකුණු 102 ක ජයක් අත් වුණා.
ලකුණු පූවරුවට - http://www.espncricinfo.com/tri-nation-west-indies-2013/engine/match/597926.html

www.supirikrida.com

පවනි තනිවමත් රොහාන්, ඉෂාරා සමගත් මොංගෝලියානුවන්ට බැට දෙති

කොරියාවේ බුසානෟ නූවර ක්‍රියාත්මක ආසියානු මේස පන්දු සූරතාවලියේ දී කාන්තා කේවල අංශයේ තරග වලදී පවනි සිරිසේන තියුණු තරගයකින් පසුව සිය මෝංගෝලියානු ප්‍රතිවාදිණිය වූ මෙල්ගර්න් ඩෙල්ග්රෙමා වට 4 - 3 ක් ලෙස පරාජය කරන්නට සමත් වූවාය.ඊට අමතරව මිශ්‍ර යුගල තරග සදහා සහභාගි වූ රොහාන් සිරිසේන සහ ඉෂාරා මධුරංගි මොංගෝලියාවේ බිලෙට් බැට්කිසිග් සහ ඉන්ද්‍රා ගන්ඩෙන්ග්මා ව වට 3 - 0 කින් පරාජය කරන්නට සමත් විය.
ඒ හැරෙන්නට නිතරග ජයක් හැර ආසියාවේ අනෙකුත් ප්‍රතිවාදීන් එක් විටෙකවත් ඉක්මවා යන්නට ශ්‍රී ලංකා ක්‍රීඩක ක්‍රීඩිකාවන්ට අවස්ථාව නොලැබිණ.ජයග්‍රහණයකින් ඉදිරියට පිවිසි පවනි ගේ ගමණ ජපානයේ හිරානෝ සියකා විසින් නවතා දැමූ අතර එම තරගය හිරානෝ විසින් වට 3 - 0 ක් ලෙස ජය ගත්තාය.මිශ්‍ර යුගල තරගයේදී ජයග්‍රහණයකින් පෙරට පැමිණි ඉෂාරා සහ රොහාන් පසුව චීනයේ ෆෑන් ෂෙන්ඩොන්ග් සහ චෙන්ග් මෙන්ග් වෙතින් පරාජයට පත් වුව ද ඉෂාරා සහ රොහාන් එම චීන ප්‍රතිවාදි යුගලයට එරෙහිව ද තරග වටයක් ජය ගැනීමට සමත් වූහ.
www.supirikrida.com

ආසියානු සුක්කානමත් ලක්ෂ්මිට

ලක්ෂ්මි වික්ටෝරියා ආසියානු දැල්පන්දු සංගමයේ සභාපතිණිය ලෙස නිතර‍ගයෙන් තේරී පත් වූවාය.මීට පෙර ආසියානු දැල් පන්දු කේෂ්ත්‍රයේ කීර්තිමත්නමක් දිනූ සභාපතිණියක ලෙස හැදින්වෙන තමාරා ධර්මකීර්තිට පසුව එම තනතුරට පත් වූ ලාකේය කාන්තාව වන්නේ ලක්ෂමී ය.හිටපු හමුදා නිලධාරිණියක මෙන්ම විධායක ශ්‍රේණියේ බැංකු නිලධාරිණියක ද වන ලක්ෂ්මී වික්ටෝරියා දීර්ඝ කාලයක් පැවති දැලපන්දු අර්බද නිමාවට පත් කිරීමේ අටියෙන් කලකට පසුව පැවති නිලවරණයෙන් සභාපති ධුඍයට පත් විය.
හිටපු දැල් පන්දු ක්‍රිඩිකාවක ද වන පරිපාලනයේදී දැඩි විනය නීති - රීති වලට යටත්ව ක්‍රියා කරන තැනත්තියක බැවින් කල්පනාකාරීව සෙසු රටවල් ලබා දුන් සහයට කෘතෝපකාර  දක්වමින් ආසියාවට අවශ්‍යය සහයෝගය ලබා දීමට ඇය කටයුතු කරනු ඇත
.මෙම තරගයට ඉදිරිපත් වන යොවුන් ක්‍රීඩිකාවන් පිළිබදව නිරන්තරයෙන් සොයා බලමින් ක්‍රියා කළ ලක්ෂ්මි වෙනුවෙන්,ඒ කරන ලද කැපවීමට ඇයගේ මනසේ රැදි ආසියානු යොවුන් කුසලානය  ශ්‍රී ලංකාවට දිනා දෙමින් කෘතෝපකාර දැක්වීමට එළැඹෙන ඉරුදින කණ්ඩායමේ සියළුම ක්‍රීඩිකාවන් සිහිනය දකිනවාට සැක නැත.
www.supirikrida.com 

සච්ත් මධුරංගට නව ශ්‍රී ලංකා වාර්තාව සමග රිදී පදක්කමක්

ශ්‍රී ලංකා හෙල්ල වීසි කිරීමේ සූර සචිත් මධුරංග නව ශ්‍රී ලංකා වාර්තාව්ක් (මීටර් 79.76) ක් සමග ආසියානු මලල ක්‍රීඩා ෂූරතාවලියේ පදක්කම් සටහන ක්‍රියාත්මක කරන්නට සමත් විය.දින දෙකක් ගෙවෙන තැන ශ්‍රී ලංකා පදක්කම් සටහනට කිසිදු පදක්කමක් හිමි වී නොතිබුණු අතර සචිත් පළමු පදක්කම දිනා දෙමින් නව ශ්‍රී ලංකා වාර්තාවක් තැබීමට සමත් වූ නමුදු,ඔහු මහත් බලාබොරොත්තුවෙන් සිටි මීටර් 80 සීමාවට පිවිසි පළමු ලාංකේය ක්‍රීඩකයා වීමේ බලාපොරොත්තුව තව දුරටත් කල තැබීමට සිදු විය.සචිත් ශ්‍රී ලංකා වාර්තාව කිහිප වරක් අලුත් කරමින් දක්වන ලද දක්ෂතාවය හේතුවෙන් ජාත්‍යන්තර මලල ක්‍රීඩා සංගමයේ පින්ලන්තයේ ක්‍රියාත්මක හෙල්ල වීසි කිරීමේ පුහුණු විද්‍යාලයේ මේ වන විට දෙවන වරටත් වැඩි දුර පුහුණුව ලබමින් සිටින අතර විදේශ තරග වලදී යම් අසාර්ථක බාවයක් පෙන්නුම් කරමින් සිටි හෙතෙම මෙම තරගාවලියට එක් වීමට දින කිහිපයකට පෙර පින්ලන්තයේ පැවති හෙල්ල වීසි කිරීම සදහාම වෙන් වූ මලල ක්‍රීඩා සංදර්ශණයක දී විදේශ රටක දක්වන ලද ඉහළම දක්ෂතාවය දක්වමින් දක්ෂතා අතරට පිවිසි අතර එම ජයග්‍රහණයෙන් පසුව මෙම තරගයේදී ඔහු පදක්කමක් දිනිය හැකි බවට සුපිරික්‍රීඩා වෙත අදහස් පළ කළේ  දැඩි විශ්වාසයකිනි.තරගයේ ජයග්‍රහණය හිමි වූයේ උස්බෙකිස්තානයේ ඉවාන් ෂෙසෙව් ය.ඔහු සචිත්ට වඩා සෙන්ටි මීටර් 14 ක (79.76) දක්ෂතාවයක් දක්වන්නට සමත් විය.
මේ අතර ශ්‍රී ලංකාවේ මීටර් 3000 බාධක දිවීම ඉසව්වේ ජාතික වාර්තාලාභිණිය වන එරංගා දුලක්ෂි සහභාගි වූ එම ඉසව්ව නව උළෙල වාර්තාවක් සමග ජය ගන්නට බහරේනයේ රූත් ජෙබේට් සමත් වූවාය.ඇය විනාඩි 9:40.84 ක ඉහළ දක්ෂතාවයක් දක්වමින් ජය ගැනීමට සමත් වූ අතර එරංගා ඉසව්වේ පස් වන ස්ථානයට පත් වූයේ විනාඩි 10:18.39 කින් එම ඉසව්ව නිමා කරමින්ය.
www.supirikrida.com