අවුරුදු 18 න් පහළ,16 න් පහළ,14 න් පහළ බාලක බාලිකා ලෙස තරගාවලිය ක්‍රියාත්මක වන අතර අවුරුදු 12 න් පහළ මිනි වොලිබෝල් තරගාවලියක්ද මෙම තරගාවලියට ඇතුළත් වේ.වර්ථමානයේ ජාතික කණ්ඩායම නියෝජනය කරන සියළුම ක්‍රීඩක ක්‍රීඩිකාවන් මෙම තරගාවලිය වාරු කොට වර්ථමානයේ දක්වන දක්ෂතා සදහා අවශ්‍යය පසුබිම නිර්මාණය කර ගෙන ඇති අතර සෑම වසරකම මේ තරගාවලිය නියෝජනය කරන කණ්ඩායම් ප්‍රමාණය වාර්තාගත අයුරින් ඉහළ යෑම පාසල් වොලිබෝල් ක්ෂේත්‍රය තුළ ඩීඑස්අයි වොලිබෝල් තරග සදහා දක්වන අප්‍රමාණ උනන්දුව පැහැදිළි කරයි.
රටේ විවිධ ප්‍රදේශවලට පාසල් මට්ටමින් වොලිබෝල් ක්‍රීඩාව රැගෙන යාමට ප්‍රධාන වශයෙන්ම බල පෑ ඩීඑස්අයි වොලිබෝල් තරගාවලිය ජාතික කණ්ඩායමට රටේ සතර අත විහිද සිටින වොලිබෝල් ක්‍රීඩක ක්‍රීඩිකාවන්ගේ දක්ෂතා රැගෙන ඒම සදහා මූලික ව කටයුතු කළ තරගාවලිය ලෙස හැදින්විය හැකිය.ත්‍රීකුණාමලය,දෙනියාය,ඇහැළියගොඩ,අම්පාර වැනි ප්‍රදේශවල වොලිබෝල් ක්‍රීඩාව ආශ්‍රිත උප සංස්කාතියක් නිර්මාණය කිරිම උදෙසා අවශ්‍යය ප්‍රාදේශිය ආකර්ශණය ඇති කිරිමට මෙම තරගාවලිය හරහා ඇති වූ බලපෑම සහ උත්තේජනය අති විශාල වන අතර අධ්‍යාපන අමාත්‍යංශයේ ක්‍රීඩා අංශය සහ ජාතික වොලිබෝල් සම්මේලනය සමග එක්ව මෙම තරගාවලිය සංවිධානය කරමින් වොලිබෝල් ක්‍රීඩාවට අවැසි සවිමත් ක්‍රියාශීලී දෑත් ජාතියට දායාද කිරීමට එක්වන ඩීඑස්අයි ආයතනය දෙපයට හැඩකාර,සවිමත් පාවහන් නිෂ්පාදනය කිරීමේ දී දේශිය නිෂ්පාදකයන් අතර ප්‍රමුඛත්වයේ වැජඹෙන දෙස් විදෙස් හී කීර්තිය පතල ආයතනයකි.
www.supirikrida.com
No comments:
Post a Comment