බංගලාදේශය සහ ශ්‍රී ලංකාව අතර අද ආරම්භ වෙන දෙවන ටෙස්ට් තරගයේදී ප්‍රථම තරගයට ක්‍රීඩා නොකළ චානක වෙළගෙදර ක්‍රීඩා කිරීමට ඉඩ ඇති බව ශ්‍රී ලංකා ක්‍රිකට් ආරංචි මාර්ග ඔස්සේ වාර්තා වේ.ඒ අනුව ගාලු තරගයට ක්‍රීඩා කළ සමින්ද එරංග ට හෝ නුවන් කුලසේකරට අද තරගයේදී කණ්ඩායමේ සිය ස්ථානය අහිමි වීමට ඉඩ ඇත.ආබාධිත තත්ත්වය හේතුවෙන් කණ්ඩායමෙන් ඉවත්ව ගිය වමත් වේග පන්දු යවන්නා වූ චානක වෙළගෙදර,මෑත කාලයේ ශ්‍රී ලංකා ටෙස්ට් කණ්ඩායමේ නිත්‍ය වේග පන්දු යවන්නා බවට පත් වී සිටියත් ආබාධයට ගොදුරු වීමෙන් පසු එම තත්ත්වය නැවත දිනා ගැනීමේ අභියෝගයට මුහුණ දී සිටියි.ශ්‍රී ලංකාව බිහි කළ හොදම වේග පන්දු යවන්නා ලෙස සැළකෙන චමින්ද වාස් මෙන්ම වමතින් පන්දු යවන වෙළගෙදර ට මේ වන විට වාස් යටතේම උපක්‍රමශීලී ව පන්දු යැවීම සම්බන්ධයෙන් බොහෝ පාඩම් ඉගැනීමට අවස්ථාව ලැබෙනු ඇතැයි සිතිය හැකිය.
www.supirikrida.com
No comments:
Post a Comment