නේෂන් කුසලානය සදහා තරග වදින ශ්‍රී ලංකා කණ්ඩායම තේරීමේදී දැල් පන්දු තේරීම් කමිටුව වසර ගණණක් ජාතික තලයේ ප්‍රධාන තරගාවලි අත්දැකීම් නැති ක්‍රීඩිකාවන් පළිබදව විශ්වාස තැබීමටත්,ඔවුන්ට අභියෝගයක් විය හැකි ක්‍රීඩිකාවන් සංචිතයෙන් කපා දැමීමටත් පියවර ගෙන ඇත.ලක්ෂ්මි ව්ක්ටෝරියා යනු ලාංකේය දැල්පන්දුවේ වෙනසක් කළ හැකි පරිපාලනයක් සිදු කරනු ඇතැයි සිතිය හැකි බොහෝ ගති ලක්ෂණ විද්‍යාමාන කළ ද,ක්‍රීඩා සංවර්ධන දෙපාර්තමේන්තුව හා සම්බන්ධ චරිත අයත් කුස්සියේ පරණ කුණු ගොඩට අමාත්‍යංශය හා දෙපාර්තමේන්තුව පැත්තෙන් ලැබෙන තල්ලුවට හිර වී ස්වීය ප්‍රතිපත්ති සහ යථාර්තය යටත් කර ගැනීමේ තත්ත්වයට ඇය ක්‍රමයෙන් තල්ලු වෙමින් ඇත.
දැල් පන්දු පරිපාලනයේ ප්‍රධානියා ලෙස නිරන්තරයෙන් තීරණ ගැනීමේදී ක්‍රීඩාව වෙනුවෙන් තීරණ ගැනීම සදහා ඇය ක්‍රීඩා අමාත්‍යවරයාගේ සහ සංවර්ධන දෙපාර්තමේන්තුවේ න්‍යාය පත්‍ර වලට සිර වී සිටින බව පැහැදිළි අතර ඇයම නිරන්තරයෙන්ම තීරණ ගැනීමේදී අමාත්‍යවරයාගේ සහ සංවර්ධන දෙපාර්තමේනතුවේ අභිමතය සළකා බලන බව කිහිප විටකදීම ප්‍රකාශ කර ඇත.
නමුත් ආසියාවටම සේවය කිරීම වගකීම වී ඇති නිලධාරිණියක දේශපාලන භූමිකාවක සහ එහි නායකත්වය ඇති දේශපාලන කාර්යාලයක් බවට පත් වෙමින් තිබෙන ආයතනයක තීන්දු තීරණ ක්‍රියාත්මක කිරීම ක්‍රීඩාවටනම් උචිත වන්නේ කැති බව පැහැදිළිය.
මෙවර නේෂන් කුසලාන තේරීම සදහා වන තේරීම වර්ථමාන දැල් පන්දුවේ කඩා වැටීම ආරම්භ කිරීමට මූලික වූ චරිත කිහිපයක ආධිපත්‍යය විසින් ගිල ගැනීම පැහැදිළිව දැකිය හැකිය.විෂේශයෙන්ම මෑත කාලයේ මතක ඉතිහාසය තුළ ශ්‍රී ලංකාව ලැබූ ඉහළම ජයග්‍රහණය වන 2009 ආසියානු කුසලානය දිනා ගැනීම සදහා ක්‍රීඩා කළ දැල්පන්දු කණ්ඩායම ශ්‍රී ලංකාව වෙනුවෙන් විශිෂ්ඨතම ජයග්‍රහණය ලබා දුන් කණ්ඩායමය.ඊට ප්‍රතිචාර ලෙස අනතුරුව වෙනස් වූ දැල් පන්දු පරිපාලනය එහි උප සභාපතිවරියක වූ යසා ප්‍රේමචන්ද්‍ර මූලික කර ගනිමින් නව පුහුණුකාරිය තේරීමේ ක්‍රමවේදය සකස් කළ අතර එහිදී සූරතාවය ගෙන ආ පුහුණුකාරිය වූ තිලකා ජිනදාසට එම තනතුර අහිමි වී ඒ සදහා හයසින්ත් වි‍ජේසිංහ පත්වන ආකාරයට ක්‍රමවේදය සකස් කිරීමේ කාර්යයේ ප්‍රධානතම කාර්ය භාරය ඉටු කළේ යසා ය.ඒ සදහා එවකට සම්මේලනයේ ලේකම්වරිය ලෙස අවශ්‍යය පරිපාලන සහය ලැබුණේ දමයන්ති ජයසූරියගෙන් ය.
විෂේශයෙන් දමයන්ති ජයසූරිය ක්‍රීඩා අමාත්‍යවරයාගේ ද දෝශ දර්ශනයට ලක් වූ අතර නමුත් අමාත්‍යවරයා සහ ක්‍රීඩාව ඒ මොහොතේ පරාජයට පත් කරමින් තිලකා වෙනුවට හයසින්ත් සම්ප්‍රාප්ත වීම සිදු විය. අනතුරුව ක්‍රීඩා සංවර්ධන දෙපාර්තමේන්තුව සහ ඊට සම්බන්ධ සහ සම්බන්ධව සිටි පිරිස් ක්‍රීඩා පරිපාලනයේ ප්‍රධාව භූමිකාවන් බවට පරිවර්ථනය කිරීම ක්‍රීඩා අමාත්‍යවරයාගේ ආශිර්වාදය ඇතිව සිදුවන තත්ත්වයට පත් විය.ඒ අනුව යසාලගේ ආශිර්වාදාත්මක භූමිකාවන් බවට පත් වූ අතර ඇය වරෙක ජාතික කණ්ඩායමේ පුහුණුකාරිය වන්නට තරම් ප්‍රබල වූ අතර ඒ නිසාම ජාතික තලයේ ප්‍රබල ක්‍රීඩිකාවන් විවිධ හේතූන් කියමින් කණ්ඩායමෙන් ඈත් ව සිටින්න ද උත්සාහ කළාය.
මෙවර තේරීමේ මුල් පුටුව යසා ට යළි ලැබෙන්නේ ඒ ආශිර්වාදය ඔස්සේය.ඒ ආශිර්වාදය ඔස්සේ තිලකා සංහාරයේ දී පරිපාලන ආශිර්වාදය ලබා දුන් ලේකම්වරියට නැවත ක්‍රීඩි කිරීමට ඇති දොල සංසිදු වීම යසා භාර ගන්නේ විශාල කැමත්තකින්ය.ඒ සදහා හිටපු ලේකම්වරියට අවශ්‍යය පසුබිම සකසා ගැනීමට අවශ්‍යය මාධ්‍ය මෙහෙයුමක් ද හිටපු ලේකම්වරියගේ දායකත්වයෙන් ඇය සිදු කර ගන්නා අතර ඒ මෙහෙයුම මත යසා සිය විශ්වසනීයත්වය තහවුරු කර ගනිමින් දමයන්ති ජයසූරිය නම් හිටපු ලේකම් වරියට යළි දැල් පන්දු කණ්ඩායමට පැමිණිමේ අවශ්‍යයතාවය වෙනුවෙන් මාවත හෙළි පෙහෙලි කර දෙන්නේය.
ගෙවුණු දැල් පන්දු ආසියාතික කණිෂ්ඨ සූරතාවලියේදී ශ්‍රී ලංකාව වෙනුවෙන් ඉහළම දස්කම ප්‍රදර්ශනය කළ ක්‍රීඩිකාව ලෙස දැල් පන්දු පරිපාලනය මාධ්‍යයට ප්‍රකාශ කළ දුලංගි චමත්කා වැනි ක්‍රීඩිකාවන්ද ඒ අවශ්‍යයතාවයේ ගොදුරක් වී ඇත.විෂේශයෙන් දමයන්ති ජයසූරිය ක්‍රීඩා කරන ස්ථානයට තරග වදින දුලංගි,ගුවන් හමුදාව නියෝජනය කරන සමන්ති මෙන්ම දැල් පන්දු පරිපාලනය විසින් පැවත් වූ තරගාවලියේ දීම දක්ෂතම සෙන්ටර් ක්‍රීඩිකාව වූ ජයමාලි ද මෙම අභියෝගය කිරීම සදහා අවසන් සංචිතයට තෝරා නොගැනීමට යසා අවශ්‍යය නායකත්වය දෙන්නේය.
තේරීම් සදහා සහභාගි වූ අයගේ තොරතොරු වලට අනුවම දුලංගි පරිපාලනය විසිනි ශ්‍රී ලංකාව විසින් මෑතකදී සොයා ගත් ප්‍රබලතම සෙන්ටර් ක්‍රීඩිකාවක් ලෙස ප්‍රසිද්ධ කරමින් සිටියදී යසා ගේ තීරණය වන්නේ ඇය වින්ග් ඇටෑක් යන ස්ථානයේ ක්‍රීඩා කළ යුතු බවය.තේරීම් ආරම්භ කරන්නේම මෑත කාලයේ දැල් පන්දු පරිපාලනය විසින් සොයා ගත් විශිෂ්ඨ ක්‍රීඩිකාවක් ලෙස පතුරු ගසපු යොවුන් ක්‍රීඩිකාව කැපි පෙනෙන ස්ථානයෙන් ඉවත් කර ක්‍රීඩා කිරීමට යොදවමින්ය.
තේරීම් කමිටුව ද පරිස්සම් වන්නේ යසාට ඇති බලය පිළිබදව හොදින් දන්නා නිසා තමන් කුමන තීරණයක් ගත්තද,තේරීම් කමිටුවේ බහුතරය ලෙස ක්‍රීඩා පරිපාලනය සළකන්නේ යසා බව දන්නා නිසාය.එසේම සෘජුවම ඇයට එකග වන ඇයගේ සංවර්ධන දෙපාර්තමේන්තු ජීවිතය තුළ එකට කටයුතු කළ චන්ද්‍රානි පතිරාජ ද එහි වන්නේය.මේ සියළු දෙනාම අවශ්‍යය විටෙක ක්‍රීඩා පරිපාලනයට අවශ්‍යය ආකාරයට සකසා ගත හැකි නමනීය චරිතය.එසේ නොවන තේරීම් කමිටුවක් දකින්නට ලැබුණේ ඉකුත් ආසියාතික තරගාවලිය තුළ පමණක් වූ අතර එයම එම තේරීම් සංයුතිය එක දිගට නොරදවා ගැනීමට ද හේතුවක් විය.
කෙසේ හෝ මේ වන විට නේෂන් කුසලානය සදහා සහභාගි වන කණ්ඩායමට ශ්‍රී ලංකා දැල් පන්දු පරිපාලනය ඉකුත් යොවුන් ආසියාතික සූරතාවලිය හරහා ප්‍රකාශයට පත් කරන්නට යෙදුණ අලුත් තර බලාපොරොත්තුව දුලංගි චමත්කා නැත.නමුත් ඒ වෙනුවට එම තරගාවලියේ එකදු තරගයකට හෝ ක්‍රීඩා කිරීමට නුසුදුසු වූ පිරිස් කණ්ඩායමේ සිටින්නේය.
කියන්නට ඇත්තේ එකකි.කවුරුන් වෙනස් වුව ද ක්‍රීඩාවේ ප්‍රධාන පරිපාලන යාන්ත්‍රණය මොන බෝතලයේ හැඩයෙන් අලුත් වී පැමිණියද,ඒවාට පුරවන්නට සකස් කර ගෙන සිටින අරක්කු වඩිය වෙනස් කරන්නේ නැත.ඒ නිසා පදම එකමය.ඉරණම වෙනමය.තමන්ට අවශ්‍යය කෙනා ක්‍රීඩා කිරීම දක්වා ග්‍රෝත්‍රික මානසිකත්වයන්ට ඉහළ පුටු පිරිනැමීමට ආශිර්වාද කිරීම හරහා පැහැදිළි වන්නේ ක්‍රීඩාවේ මෙහෛයුම් කාර්යය අලුත් ඇදුම් පැළද ගත්තද,නටන්නේ පරණ ග්‍රෝත්‍රික නැටුම්ම බවය.මේ තත්ත්වය තුළ දමයන්තිට නැවත නායකත්වය හිමි වීම හෝ යසාට පුහුණුකාරීත්වය හෝ උපදේශක පුහුණුකාරීත්වය හිමි වීම අසාමාන්‍ය දෙයක් නොවන අතර ලක්ෂ්මි වික්ටෝරියාගේ කාර්ය භාරය එවැනි තීරණ වලට අනුමත අත්සන යෙදීම දක්වා පටු වීම ඇය වැනි පුළුල් පරිපාලන මෙහෙයුමක් ඇති නිලධාරිනියක් පිලීබද අනුකම්පා සහගත හැගීමක් ඇති කිරීමක්ය.
මලල ක්‍රීඩාවේ සචිත් මධුරංගලා ගේ පෝලිමට දැල් පන්දුවෙන් එක් වන පිරිස බවට දුලංගි ලා එක් වීම නූතණ ක්‍රීඩාවේ දේශපාලන ආශිර්වාදය ඇතිව සිදු වීම වැළක්වීමට යමක් කළ හැකිද යන්න සැක සහිතය.මන්ද ක්‍රීඩා සංවර්ධන දෙපාර්තමේන්තුවේ අධ්‍යක්ෂ ජෙනරාල්වරියට බෘනායි හී දී කුමක් සිදු වූවේද යන්න නෙරෙහසක් නොවන්නේ ඇය ද එම සංචාරයේ නිරත වූ බවකි.එහෙත් න්‍යාය පත්‍රය සකස් කිරීමේදී එම කාරණා ඇතුළත්ව නැතිනම් ඇය කොහෙද යන්නේ මල්ලෙ පොල් මට්ටමේ පිළිතුරු බැදීමෙන් මේ ප්‍රශ්නයෙන් ලිස්සා යන බව ද පැහැදිළිය.
www.supirikrida.com
එක්සත් අරාබි එමීර් රාජ්‍යයේ පැවත්වෙන 17 වන ජ්‍යෙෂ්ට පිරිමි ආසියාතික වොලිබෝල් සූරතාවලිය නියෝජනය කරන ශ්‍රී ලංකා කණ්ඩායම අද කසකස්තානය හමුවේ තරග වැදීමට නියමිතයි.මූලික වටයේ තරග වලදී කටාරය පරාජය කරමින් තරගාවලියට සහභාගි වන කණ්ඩායම් 21 ක් අතරෙන් මුල් කණ්ඩායම් 16 අතරට පැමිණිමට සමත් වු ශ්‍රී ලංකා කණ්ඩායම එම තරග වටයේදී චීනය අතින් සහ චීන තායිපේ කණ්ඩායම් අතින් වට 3 - 0 ක් ලෙස පරාජයට පත් වෙමින් තරගාවලියේ 9 වස ස්ථානයේ සිට 16 වන ස්ථානය දක්වා තීරණය කරන තරග වටය නියෝජනය කිරීමට සුදුසුකම් ලබා ගත්තේය.
