සයිබර් අවකාශයේ ක්රීඩාවේ හෙළ වදන
දේශීය ක්රිකට් පිටිය ආශ්රිතව ඇරඹීමට නියමිත 20 / 20 තරගාවලිය සදහා අනුග්රහය ලබා දීමට අල්ට්රාටෙක් සිමෙන්ති ඉදිරිපත් වී සිටියි.සුපිරි සිව්කොන් 20/20 තරගාවලියේ ප්රධාන අනුග්රාහකයා ලෙස අල්ට්රාටෙක් සිමෙන්කි පත් වෙද්දී තරගාවලියේ දේශිය රූපවාහිනි ප්රචාරණ කටයුතු සදහා ඉදිරිපත් වන්නේ සීඑස්එන් රුපවාහිනි නාලිකාවයි.එහි ජාත්යන්තර විකාශ කටයුතු භාරව සිටින්නේ ටෙන්ස්පෝර්ට්ස් නාලිකාවයි.තරගාවලිය ආර් ප්රේමදාස ජාත්යන්තර ක්රීඩාංගණයේදී අගොස්තු 10 සිට 17 දක්වා පැවත්වීමට නියමිතය.
එංගලන්තයේ තරග සංචාරයක් සදහා ඊයේ දිවයිනෙන් පිටත්ව ගිය අවුරුදු 17 න් පහළ ශ්රී ලංකා කණ්ඩායමේ ක්රීඩකයනට සුභසාධන සහ පෝෂන දිරි දීමනාවක් ලෙස රුපියල් ලක්ෂය බැගින් පිරිනැමීමට කටයුතු කළා.ඊයේ කණ්ඩායම දිවයිනෙන් පිටත්ව යාමට පෙර ශ්රී ලංකා ක්රිකට් ආයතනයේදී ආගමික වතාවත් සිදු කරමින් පැවත් වූ සුළු උත්සව අවස්ථාව තුළ මෙම මුදල් පරිත්යාගය ශ්රී ලංකා ක්රිකට් ආයතනයේ මෙහෙයුම් ප්රධානි කාල්ටන් බර්නාඩ්ස් විසින් සිදු කරන්නට යෙදුණා.ඡායාරූපයේ දැක්වෙන්නේ අදාළ පරිත්යාග මුදල ශ්රී ලංකා අවුරුදු 17 න් පහළ කණ්ඩායම් නායක චාමික කරුණාරත්න වෙත කාල්ටන් බර්නාඩ්ස් විසින් පිරිනැමූ අවස්ථාවයි.
ශ්රී ලංකා ක්රිකට් විසින් මෙහෙයවන 2013 20/20 ක්රිකට් තරගාවලිය අගෝස්තු 10 දා අරම්භ වීමට නියමිත අතර 17 දා දක්වා තරගාවලිය පැවත්වේ.තරගාවලිය සදහා තෝරාගත් කණ්ඩායම් 4 ක් ශ්රී ලංකා ක්රිකට් විසින් නම් කර ඇත.බස්නාහිර ග්රීන්,උතුර යෙලෝ,කදුරට මෙරූන්ස් සහ රුහුණ රෙඩ් ලෙස නම් කර ඇති මෙම කණ්ඩායම් හතරට පිළිවෙලින් නායකයන් ලෙස නම් කර ඇත්තේ ඇන්ජලෝ මැතිව්ස්,දිනේෂ් චන්දිමාල්,ලහිරු තිරිමාන්න සහ ලසිත් මාලිංග ය.
මෙවර කණිෂ්ඨ බාලක සහ බාලිකා බොක්සිං තරගාවලියේදී සම අනූ සූරියන් ලෙස කිරුළු පළදින්නට වෙන්ඩ්රාසපුරම් ජාතික පාසලේ ක්රීඩිකාවන් සහ පිළිමතලාව මධ්ය විද්යාලීය ක්රීඩිකාවන් සමත් වූහ.සූරතාවය හිමි වූයේ වේයන්ගොඩ බණ්ඩාරනායක මධ්ය මහා විද්යාලය විසින්ය.බාලක සූරතාවය හිමි වූයේ හොරණ විද්යාරතන විශ්ව විද්යාල පීඨයටය.අනූ සූරතාවය හිමි වූයේ මහනුවර විද්යාර්ත විද්යාලයට ය.
