අද ලංකාවට අතිශයින් වැදගත් දිනයක්.ඒ 20 / 20 ලෝක කුසලාන තරගාවලියේ සූරතාවය සම්බන්ධයෙන් තීරනාත්මක අවසාන තරගයට අද ලංකාව තරග වැදීමයි.අවසාන තරගයට ශ්‍රී ලංකාව සමග සහභාගි වන්නේ බටහිර ඉන්දීය කොදෙව් කණ්ඩායමයි.මෙහි ප්‍රවේශපත් විකිණී අවසන් බව ක්‍රිකට් ආයතන නිල ප්‍රකාශ ඔස්සේ වාර්තා වුව ද මේ වන විටත් මාලිගාවත්ත ප්‍රදේහය ඇතුළු කොළඹ තැන තැන ප්‍රවේශපත්‍ර විකිණෙනවා.විශේෂයෙන් ක්‍රිකට් ආයතනය අවටත් මේ දේ සිදුවනවා.මේ ප්‍රවේශපත්‍ර අලෙවි වන්නේ එහි නියමිත මිලට වඩා දස ගුණයක් විසි ගුණයක් පමණ වැඩි මිළකටයි.සමහර විට එය සිය ගුණයක් විය හැකි අවස්ථාද එමටයි.ඒ නිසා මෙය හොර කමක්.ජාතික වගකිම් පැවරුනු බොහෝ අයත් මේ පිටුපස සිටිය හැකියි.ඒ අය ඇතැම් කරුණු හෙළිදරව් කරන විට පෙන්වන ජාතිකානුරාගය දේශානුරාගය කෙතරම් ඉහළින් තිබුණත් මේ කෙරෙන හොර ජාවාරම් පසුපස ඔවුන් සිටින බව පැහැදිළි වන විට හැගෙන්නේ,ඔවුන් කෙතරම් දුරට බොරු කීමේ හා බොරු මවා පෑමේ දක්ෂයන්ද යන්න යි.
කෙසේ හෝ මේ බොරුකාර හොරුන්ගේ මඩිය පුරවන්න වෙහෙසවන පිරිස බවට රට වෙනුවෙන් පිටියට බසින ක්‍රීඩකයන් පත් වී තිබීම ඛේදවාචකයක්.හදවතින්ම සුභ පතන බොහෝ පිරිස් අතරේ මෙවැන්නන් සිය සට කපට කමින් රට ජාතියට අගෞරව කරන අවස්ථා අවම කර ගැනීමේ ක්‍රමවේදයක් තවම හදුනා ගෙන නැති වීම කණගාටුවට කරුණක්.මර්ධනය හෝ මැඩ පැවත්වීම පිණිස ප්‍රායෝගික නිතිමය භාවිතාවන් නැති වීමට වත්මන් පොලිසීය නීතිය රකින හෝ නීතිය ක්‍රියාත්මක කරන ආයතන ව්‍යහුයෙන් අණ පිළිපදින හා අණ ක්‍රියාත්මක කරන ආයතනයක් බවට පරිවර්ථනය වෙමින් තිබීම ද බලපාන බව මෙවැනි කරුණු ඔස්සේ ද පැහැදිළි වෙනවා.
මේ කුමන තත්ත්වයක හෝ අද ශ්‍රී ලංකාව 20 / 20 කුසලානය දිනා ගැනීම පිළිබදව සැබෑවින්ම උද්දාමයට පත්වීම සදහා සූදානම් පිරිසක් ද සිටිනවා.ඒ හාදයාංගම බව සමහර විට හොර බොරු සහිත කපටියෙකුගේ සාක්කුව බර කරන්න හේතු වන්නත් පුළුවන්.ඒත් රටේ ක්‍රිකට් මෙන්ම සියල්ල නිවැරදි වූ සාධාරණ වූ ක්‍රමවේදයක් හරහා ක්‍රියාත්මක වීම අත්‍යවශ්‍යයි.ඔබේ සාක්කුවේ ඇති මුදල අනවශ්‍යය ලෙස හොරෙකුව බොරුකාරයෙකු පෝෂනයට යෙදවීම වෙනුවට රටේ යහපත් වෙනුවෙන් එවැනි තැනකදී සත පහක් වැය නොකළ සේවය කළ හැකි අවස්ථාවන් ද තිබෙනවා.ඒ නිසා ඔබට වැඩි මුදලට විකුණන්න උත්සාහ කරන ටිකට් පත මිළ දී ගැනීමට පෙර අදාළ නීති අංශ දැනුවත් කරන්න.එවැනි අලෙවි කිරීම් සිදුවන ස්ථාන පිලිබදව නිති අංශ දැනුවත් කරන්න.නියම් වූ මිළට වඩා කිසිම දෙයකට වැඩි මිළක් නොගෙවීම ඔබ ඔබේ ප්‍රතිපත්තිය කර ගන්න උත්සාහ කරන්න.
www.supirikrida.com
No comments:
Post a Comment