ඔවුන් සිය දෑතෙන් ජීවිතය මසා ගන්නට පොර බදින්නට තුරුලිය
වෙත පැමිණියෝ වෙති.එහෙත් ඒ දැතේ සවිය රටා මැවෙන රෙදි කඩවල් මතට සීමා නොවිණි.සිය
බාහු වල ඇති සැගවි ශක්තිය මතු කර ගනිමින් ඔවුන් කර්මාන්ත ශාලා බිත්ති උඩින් සිහ
ධජය ගෙන ලොවට පිය මනින සිහිනය සමග රැදුණේ කර්මාන්ත ශාලා බොක්සිං කවය තුළ ය.එසේ
රුදුණු දෑතක සවියෙන් සිහිනයේ ඉම දකින්නට ඇති ගැට ලිහමින් සිටින මොහොතක රියදුරෙකුගේ
එක් ඇසිල්ලක පමාවෙන් සහ නොසැළකිල්ලෙන් ඒ සිහින යළ උපද්දන්නට බැරි ලෙසම මහ පාරේ
තැලී පොඩි වී ගියේය.
එසේ ලාකේය බොක්සිං කවයට අහිමි වූ ඈ නමින් ඉරේෂා අබේවර්ධන
නම් විය.එහෙත් ඉරේෂා විසින් ඒ පවුල තුළට කැදවා ආ බොක්සිං සිහින සම්පූර්ණයෙන් ඒ
බිත්ති හතරෙන් ඈත් වි නැති බව මෙවර අන්තර් මාධ්ය බොක්සිං තරගාවලියේ දී පැහැදිළි
විය.සිය සොයුරියගේ අඩි පාරේ යමින් තුරුලිය වෙතත් - ඉන් නොනැවතී බොක්සිං කවය වෙතත්
පා තැබූ සොදුරු යුවැත්තිය දුලාරි අබේවර්ධන මෙවර අන්තර් මාධ්ය බොක්සිං තරගාවලියේ
කිග්රෑ 57 බර පංතියේ ජයග්රාහිකාව පමණක් නොව තරගාවලියේ අති සූර ක්රීඩිකාව ද
වූවාය.සිය සොහොයුරියගේ උණුසුම තරම් රන් පදක්කම්,කුසලාන,සහතික නොවටිනා බව දන්නා
නමුත් ඈ වෙනුවෙන් හෙලන අප්රමාණ කදුළු වලට වඩා මේ ගෞරවය කෙතරම් වටිනා සහෝදර ප්රේමයක්දැයි
නොහැගෙන්නේ නැද්ද?
“නොවටින නමුත් ඔබ තරමට රන් කිරුළු - පිදුමකි ඔබට හෙලුවට වැඩියෙන් කදුළු”ඇය හෙට සිය
සොහොයුරියගේ ඡායාරූපය අසළ මෙම උපහාරය තබා නිහඩව මෙසේ සිතනවා ඇත.
දුලාරි ඒ අනුව මෙවර අන්තර් මාධ්ය බොක්සිං තරගාවලියේ
දක්ෂතම ක්රීඩිකාව වෙමින් හෙට ජාතික තලයට පිවිසෙන්නට මග සකසා ගනිද්දී ඇය හමුවේ
පරාජයට පත් වූ ශ්රි ලංකා නිවික හමුදාවේ ඩබ්ලිව්එන්ඩී ප්රනාන්දු මෙවර දක්ෂතම
පරාජිත ක්රීඩිකාව වූවාය.මෙවර තරගාවලියේ දක්ෂතම ක්රීඩකයා වන්නට යුධ හමුදා රතු කණ්ඩායමේ
පීපීඩී පනාගොඩ සමත් වූ අතර දක්ෂතම පරාජිතයා වන්නට සමත් වූයේ එල්එම් සුදුවැලිකන්දය.
තරගාවලියේ දී නාවික හමුදා බොක්සිං කණ්ඩායම විශාල ප්රගතියක්
පෙන් වූ අතර පොලිස් කණ්ඩායම වෙතින් විශාල පසුබෑමක් දකින්නට තිබීම ද කණගාටුවට
කරුණකි.තරගාවලියේ ප්රධාන ආරාධිතයා ලෙස මේජර් ජෙනරාල් රංජිත් සමරතුංග සහභාගි වූ
අතර ජය සංඛේත ප්රදානය ද ඔහු අතින් සිදුවිය.
ඡායාරූපයේ දැක්වෙන්නේ දුලාරි සහ පනාගොඩය.
ශ්රී ලංකාවේ අවසාන වරට පැවති 20 - 20 තරගාවලියේ දක්ෂතම ක්රීඩකයා වූ සමන් ජයන්ත ශ්රී ලංකාවේ පැවත්වෙන SLPL 20 - 20 තරගාවලියේ දී කිසිදු කණ්ඩායමකට ඇතුළත් කිරීමට කටයුතු කර නැති අතර මේ පිළිබදව මාධ්ය කිහිපයක් ක්රීඩා අමාත්යවරයාගේ අවධානය යොමු කිරීමට කටයුතු කිරීමට සූදානම් බව ද සුපිරික්රීඩා වෙත වාර්තා වෙයි.ක්රීඩයන් තෝරා ගැනීමට කටයුතු කළ තේරිම් කමිටුවේ නිලධාරීන් මේ සදහා පසුගිය තොරතුරු ගවේශණය කිරීම කෙතරම් නොසැළකිල්ලෙන් කර ඇත්දැයි තේරුම් ගැනීමට එහිදී සමන් ජයන්ත පිළිබදව විමසිමෙදි එම තේරීම් කළ අයෙකු සමන් ජයන්ත අවසානයට පැවති තරගාවලියට ක්රීඩා කර ඇත්දැයි විමසීම කදිම උදාහරණයකි.
