දිගින් දිගටම අකටයුතු කම් එල්ලවන බවට සිදුවන චෝදනා හේතුවෙන් පාසල් බැඩ්මින්ටන් සංගමයේ ක්රියාකාරීත්වය අත් හිටුවන්නට තීරණය කර තිබෙන බව අධ්යාපන අමාත්යංශයේ ශාරිරික අධ්යාපන සහ ක්රීඩා අධ්යක්ෂ රෝහණ කරුණාරත්න සුපිරි වෙබ් අඩවියට අදහස් දක්වමින් පැවසීය.අවසාන වශයෙන් අද (ඔක්තෝමබර් 8) නිමාවට පත් වීමට නියමිත ජාතික කණිෂ්ඨ තරගාවලියෙන් පසුව පාසල් සංගමයේ ක්රියාකාරීත්වය නැවතෙනු ඇතැයි ද ඒ මහතා පෙන්වා දුන්නේය.
විශේෂයෙන්ම පාසල් සංගමයේ වත්මන් ලේකම්වරයාටත්,හිටපු ලේකම්වරයා නාමිකව ඉවත් වෙමින් පාසල් සංගමය නියෝජනය කරමින් ජාතික සංගමයේ උප සභාපතිවරයෙකු ලෙස කටයුතු කරමින් ද,සිය වගකීම අයථා ලෙස යොදා ගැනීම පිළිබදව,නිසි නිත්යානුකූලභාවයකින් සහ ව්යවස්ථානුකූලව කටයුතු කිරීමෙන් වැළකීම නිසාද,කලෙක පටන් චෝදනා එල්ල වුව ද ඒ සම්බන්ධයෙන් ක්රියා මාර්ගයක් ගෙන නොතිබීමත්,මෙවර ජාතික කණිෂ්ඨ තරගාවලියේදී නිසි ක්රමවේදයට බැහැරින් කටයුතු කිරිමත් යන කාරණා සැළකිල්ලට ගනිමින් සුපිරි ක්රීඩා අධයාපන අමාත්යවරයාට මෙන්ම අධ්යාපන අමාත්යංශයේ ලේකම්වරයාට ද කරුණු පෙන්වා දීමට කටයුතු කළ අතර එහි දී අමාත්යවරයා මෙන්ම අමාත්යංශ ලේකම්වරයා ද ශාරිරික අධ්යාපන සහ ක්රීඩා අධ්යක්ෂ රෝහණ කරුණාරත්නයන් ව දැනුවත් කළේ වහාම පරීක්ෂණ අරඹන ලෙසය.මෙහි ප්රතිපලයක් ලෙස අමාත්යංශ ලේකම්වරයා ගේ උපදෙස් මත එම පරීක්ෂණ සදහා පාසල් බැඩ්මින්ටන් සංගමයේ ක්රියාකාරීත්වය ද අත් හිටවීමට ශාරිරික අධයාපන සහ ක්රීඩා අධ්යක්ෂවරයා කටයුතු කර ඇත.
එසේම ක්රීඩා අමාත්යංශ ආරංචි මාර්ග ඔස්සේ වාර්තා වන පරිදි,ජාතික බැඩ්මින්ටන් පරිපාලනයේ ක්රියාකාරීත්වය ද,ඇණ හිටින තත්ත්වයක් ඉදිරි දින කිහිපය තුළ බලාපොරොත්තු විය හැකිය.දිගින් දිගටම ක්රීඩා අමාත්යවරයාගේ දෝෂ දර්ශනයට ලක් වුව ද,කුමන හෝ අදිසි බලයකින් මෙන් බලාත්මකව පවතින ජාතික බැඩ්මින්ටන් සංගමය,ක්රීඩාවට සහ ක්රීඩක ක්රීඩිකාවන්ගේ යහපත පිණිස ක්රියාත්මක යාන්ත්රණයක් වෙනුවට, කිහිප දෙනෙකු ගේ බඩගෝස්තරය වෙනුවෙන් ලඝු වී තිබෙන යාන්ත්රණයක් බවට පත් වී ඇත.සැබවින්ම පාසල් සංගමය ද එහි ඕජස් සහ සැරව බොන පණුවෙකු පමණක් ලෙස ක්රියාත්මක වන්නක් වීම නිසා ඇති වී තිබෙන අර්බූද විශාල ප්රමාණයක් මතු වීමට හේතු ව වී ඇත.ඒ නිසා ප්රධාන ධාරාවේ තුවාලයට ප්රතිකර්මයක් නැතිව එහි වසා ජීවත්වන ඉහද පනුවන් පිලිබද පමණක් ක්රියාත්මක වීම ප්රමාණාත්මක ප්රතිපල ගෙන දෙන්නක් නොවනු ඇත.
ක්රීඩා අමාත්යවරයා පෞද්ගලිකවම ජාතික බැඩ්මින්ටන් සංගමයේ දූෂණ සහ අක්රමිකතා සොයා බැලීමට මෙන්ම ඒවා වෙනස් කිරීමටත් උත්සාහ කරන තත්ත්වයක් දකින්නට ලැබුණ ද,සෙසු කාර්ය මණ්ඩලයෙන් ඒ සදහා අවශ්යය කරන විධිමත් සහ කඩිනම් සහය නොලැබෙන බවක් පෙනෙන්නට තිබෙන බවට සුපිරි ක්රීඩා වෙත ප්රායෝගික අත්දැකීම තිබෙන අතර මේ තත්ත්වයන් පාදක කරගෙන ජාතික සංගම් ක්රීඩා අමාත්යවරයා අර්බූද ගණනාවක් ඇති කළ යම් නිලධාරින් සංගමයට වද්දෘ නොගන්නා ලෙස කරන ලද ඉල්ලීම් ද නොතකා හරිමින් එවැන්නන් සංගමයේ ප්රධාන විධායක තනතුරට කැදවීමට ද සූදානමක් පවතින බව ද සුපිරික්රීඩා වෙත වාර්තා වේ.
මේ වන විට ක්රීඩා අමාත්යංශයේ ඇතැම් අය බැඩ්මින්ටන් සංගමය
'ෂේප් එකයි පාරයි සංගමය' ලෙස හදුන්වන්නට පටන්ගෙන ඇත්තේ කුමන වරදක් කරද,අමාත්යංශයේ හිත නොරිද්දා දිගින් දිගටම ක්රියාකාරිව පවතින බැවින්ය.එසේම බොහෝ නිවුණු පෙණුමක් සහ වාග් විලාශයක් ඇති එම සංගමයේ සබාපතිවරයා ගේ ක්රියා කළාපය
'වහ දෙන්නෙත් උණු වතුර එක්කයි' යනුවෙන් අර්ථ ගන්වන්නට පටන් ගෙන තිබෙන බව ද සුපිරික්රීඩා වෙත වාර්තා වේ.
www.supirikrida.com
මාස කිහිපයකට පෙර ජයග්රහණය කළුනික බදුව තිබූ හ්රී ලංකා කණ්ඩායම පුරුකෙන් පුරුක බැද යළ විජයග්රාහී මාවතකට ප්රවේශ කළ මහේල ජයවර්ධන මෙවර ශ්රී ලංකාවේ පැවති 20 /20 තරගාවලිය අවසානයේ 20 / 20 තරග නායකත්වයෙන් සමු ගන්නා බව කීවේය.ඔහු අසීමිත ලෙස විශ්වාස කළ ලසිත් මාලිංගට එල්ල වූ දැවැන්ත ප්රහාරය නිසා ශ්රී ලංකාවේ පැවති මෙවර තරගාවලියේදී සිය නායකත්වය යටතේ ශ්රී ලංකාවට ලෝක කුසලානයක් දිනා දීමට තිබූ අවස්ථාව අහිමි කර ගත් මහේල ජයවර්ධන ගේ සමුගැනීමට හිමිවිය යුතුව තිබූ ප්රබෝධව හිමි වුණේ නැත.පසුගිය වකවානුවේ බොහෝ ප්රබලයන්ට ශ්රී ලංකා කණ්ඩායම හිසරදයක් බවට පත් කළ මහේල සමුගන්නා මොහොතේ ලොව අංක එකට ශ්රේණිගතව සිටින 20 / 20 කණ්ඩායමේ නායකයාව සිටියේය.
