ශ්‍රී ලංකාවේ එංගලන්ත ක්‍රිකට් කමිටුව මගින් ශ්‍රී ලංකාවේ පාසල් 134 ක් වෙත බෙදා දීමට ලබා දුන් පන්දු එම පාසල් වෙත නිසියාකාරව නොබෙ‍දුණු බවට තොරතොරු සුපිරි ක්‍රීඩා වෙත වාර්තා වෙනවා.එම පන්දු බෙදා දීම සදහා ලිපි සහ විදුලි පුවත් යවා ඇත්තේ පාසල් නිවාඩු සමයේ බැවින් එම තොරතොර නිවැරදිව සංනිවේදනය නොවීම නිසා සියළු පාසල් මෙම අවස්ථාවට එක් වී නැති බවට තොරතොරු වාර්තා වෙන අතර එසේ නොපැමිණි පාසල් සදහා පන්දු ලබා ගන්නේ කෙසේද යන්න පිළිබදව පාසල් ක්‍රිකට් බලධාරීන්ගෙන් විමසුවද නිසි පිළිතුරක් නොලද බව ද එම වාර්තා පෙන්වා දෙනවා.අදාළ ප්‍රවෘත්තිය ශ්‍රී ලංකා ක්‍රිකට් ආයතනයේ මාධ්‍ය සම්බන්ධ නිලධාරී රජිත් ප්‍රනාන්දු විසින් ජනමාධය වෙත යොමු කළ ප්‍රවෘත්තියක් වූ අතර එම නිසාම මේ චෝදනාව සම්බන්ධයෙන් වන ප්‍රවෘත්තියද සුපිරි ක්‍රීඩා හී පළ කිරීමෙන් නොනැවතී එම සම්බන්ධතාවය වෙනම රජිත් වෙත යොමු කිරීමටද පියවර ගන්නවා.ඔහු විසින් මහත්මා ලීලාවෙන් ප්‍රසිද්ධිය ලබා දීම සදහා යොමු කළ එම ප්‍රවෘත්තියට අදාළව යම්කිසි වංචාවක් හෝ අක්‍රමිකතාවයක් සිදු වී ඇත්නම් ඒ සම්බන්ධයෙන් සොයා බැලීමට ශ්‍රී ලංකා ක්‍රිකට් ආයතනයේ අවධානය යොමු කිරීම මෙන්ම පාසල් ක්‍රිකට් නිලධාරීන් ඒ සම්බන්ධයෙන් දක්වන අදහස් මාධය වෙත යොමු කිරීමද රජිත්ගේ වගකීමක් ලෙස අප විශ්වාස කරනවා.
www.supirikrida.com
No comments:
Post a Comment