මෙරට පැසි පන්දු තරගාවලියකට පළමු වරට සහභාගි වන විදේශිය කණ්ඩායම වීමේ භාග්‍යය මාල දිවයින් පැසි පන්දු කණ්ඩායමට හිමි වන බව මෙවර කාල්ටන් කුසලාන 2012 පැසි පන්දු තරගාවලියට මාල දිවයින පැසි පන්දු කන්ඩායම සහභාගි වීම සම්බන්ධයෙන් අදහස් දක්වන තාරුණ්‍යයට හෙටක් සංවිධානය ප්‍රකාශ කරයි.තාරුණ්‍යයට හෙටක්,හම්බන්තොට ක්‍රීඩා සමාජය සහ HSC Blues පැසි පන්දු සමාජය එක්ව සිව්වන වරටත් සංවිධානය කරන මෙම තරගාවලිය දිවයිනේ ප්‍රමුඛතම පැසි පන්දු පිටියක්ව තිබී පසුව වල් බිහි වෙමින් තිබූ හෙන්රි ප්‍රේද්‍රිස් පිටිය නවීකරණය කිරීමෙන් පසුව එහි පැවත්වෙන ප්‍රධානතම ජාතික මට්ටමේ තරගාවලිය ලෙස ඔක්තෝමබර් 19 වන දා සිට 24 දා දක්වා ක්‍රියාත්මක වීමට නියමිතය.අග නගරයෙන් පිටතට ගොස් ග්‍රාමීය සංවර්ධනය සදහා ආධාර උපකාර කරන සංවිධාන ඇති සමාජ ව්‍යහුයක හම්බන්තොට ක්‍රීඩා සමාජය විසින් නවීකරණය කරන්නට යෙදුණ හෙන්රි ප්‍රේද්‍රිස් ක්‍රීඩා පිටියේ පැවත්වෙන මෙම තරගාවලියට ඒ කාණ්ඩයෙන් දිවයිනේ ප්‍රමුඛතම පැසි පන්දු කණ්ඩායම් 13 ක් තරග වදින අතර බී කාණ්ඩයෙන් කණ්ඩායම් 26 ක් තරග වදියි.මෙරට කාන්තා පැසි පන්දු ක්‍රීඩාව වෙනුවෙන් අවශ්‍යය තරම් තරගකාරී කණ්ඩායම් නොමැති වීමේ අඩුව මෙම තරගාවලියෙන් ද නොපියවීම කණගාටුවට කරුණක් වුව ද ඒ සදහා යහපත් ප්‍රවේශයක් ලෙස සැළකිය හැකි මෙවර කාල්ටන් තරගාවලියට ඇතුළත් අවුරුදු 14 න් පහළ පාසල් තරගාවලියට බාලක බාලිකා යන දෙකොටසම ඇතුළත් කර තිබිම පැසසුම් සහගතය.ඒ අංශයෙන් තරග වැදීමට එක් ව සිටින කණ්ඩායම් ප්‍රමාණය 50 කි.
තරගාවලියේ ප්‍රධාන අනුග්‍රාහක සහ කණ්ඩායම් අනුග්‍රාහක ලෙස Bharathi Airtlte ආයතනය කටයුතු කරයි.දත්ත සහකරු ලෙස Unico සහ Avian Technologies එක්ව කටයුතු කරන අතර Autobase ආයතනය Gold Sponser කටයුතු කිරීමට නියමිතය.හෝටලය නිල ආහාර පාන සැපයුම් කරු ලෙස මෙවර කාල්ටන් පැසිපන්දු තරගාවලිය සමග එක් වී සිටියි.
www.supirikrida.com
No comments:
Post a Comment